Instituti për luftë, ja cili qytet në Ukrainë do të jetë shënjestër e radhës së Putinit
Instituti për studimin e luftës, ISW, ka publikuar analizën e luftës në Ukrainë. Forcat ruse, thekson analiza, sipas të gjitha gjasave kanë siguruar kufirin në Luhansk, edhe pse mund të ketë ende rezistencë rreth Lisiçanskit.
Ministri i Mbrojtjes i Rusisë, Sergej Shojgu, ka bërë të ditur se ushtarët rus kanë marrë rajonin e Luhanskut më 3 korrik, pasi kanë marrë nën kontroll Lisiçanskin dhe lagjet në kufirin administrativ të këtij rajoni. Shtabi i Përgjithshëm i Ukrainës ka bërë të ditur se forcat ukrainase janë tërhequr nga Lisiçanski në mënyrë që ti shmangen humbjeve.
ISW thekson se forcat ruse sipas të gjitha gjasave nuk i kanë pastruar plotësisht Lisiçanskin dhe rajonin Luhansk deri më 3 korrik, përkundër deklaratave të ministrit rus të Mbrojtjes.
Ministria ruse e Mbrojtjes ka bërë të ditur se forcat ruse vazhdojnë të luftojnë brenda Lisiçanskit në mënyrë që ti mposhtin forcat tjera ukrainase që janë nën rrethim. Por, shtojnë se tërheqja ukrainase nënkupton që forcat ruse shumë shpejtë do ti realizojnë operacionet e tyre.
Forcat ruse tani pritet të përparojnë drejt Siverskut, ndonëse mund të fillojnë me sulme më të rëndësishme në Bahmut ose Slovjansk njëkohësisht. Ndërkohë forcat ukrainase pritet të vazhdojnë me tërheqjen, dhe ende nuk është e sigurt nëse do të vendosin të mbrojnë rajonin rreth Siverskut, thekson ISW.
Kompanitë private ruse, refuzojnë të servisojnë pajisjet ushtarake ruse
Gjeneral kolonel Aleksandr Lapin dhe Gjeneral Sergej Suvorikin, janë përgjegjës për sigurimin e Lisiçanskut dhe rajoneve perëndimor rreth këtij qyteti. ISW thekson se përfshirja e dy oficerëve të lartë të këtij rangu, tregon për rëndësinë që i ka dhënë Vladimir Putin sigurimit të Lisiçanskut dhe kufijve të rajonit Luhansk. Përveç kësaj, thekson analiza, sipas të gjitha gjasave Putin nuk ka besim tek oficerët e rinjë.
Kremlini po bënë përpjekje që të zgjeroj kontrollin shtetëror rus ndaj kompanive private ruse që mbështesin elementët e industrisë ushtarake ruse. Agjentët e shërbimit sekret ukrainas kanë raportuar dje se pamundësia e qeverisë ruse që të paguajnë kompanitë ruse që mbështesin luftën në Ukrainë, i pamundëson Rusinë që të rregulloj mjetet e dëmtuara. Gjithashtu, agjentët e shërbimit sekret kanë bërë të ditur se shefat e qendrave ushtarake ruse për servisimin e mjeteve nuk pranojnë pajisjet tjera ruse për ti rregulluar. Theksojnë se arsye e këtij bllokimi është se ushtria ruse është debitore ndaj këyre qendrave, nuk u ka paguar për punën e bërë deri më sot.
Ligjvënësit rus në Dumën ruse, më 30 Qershor kanë propozuar ligjin i cili do ta autorizonte Kremlinin që të vendos masa të jashtëzakonshme në ekonomi. Kjo do ti mundësonte qeverisë ruse që të detyroj kompanitë private ruse që të mbështesin operacionet ushtarake ruse. ISW thekson se me këtë ligj, kompanive ruse do tu ndalohej që të refuzojnë të zbatojnë porositë e qeverisë ruse për operacionet ushtarake ruse.
