Integrimi i Shqipërisë, Jorida Tabaku: Nuk është peng i vendeve të BE por i keqqeverisjes së Edi Ramës

Integrimi i Shqipërisë nuk është peng i vendeve të BE por i keqqeverisjes së Edi Ramës, konstaton Ish-Deputetja Jorida Tabaku duke sjellë në vëmendje përveç deklaratës së Presidentit Macron edhe raportet e frikshme mbi Indeksin e Demokracisë, Të bërit biznes, Indeksin e përceptimit të korrupsionit dhe Indeksin botëror të lirisë së medias që e renditin Shqipërinë ndër vednet e fundit në Evropë dhe jo vetëm.

“Krimi, dhe korrupsioni që kanë sjellë largimin masiv të shqiptarëve dhe rritjen e numrit të emigrantëve të paligjshëm janë arsyet që na lënë ende jashtë Europës. Dhe për këtë përgjegjës është Kryeministri! Edi Rama ka dështuar,” thekson në reagimin e saj Ish-Deputetja Jorida Tabaku duke e shoqëruar dhe me një video:

Ndryshe, përkundër këtyre raporteve ndërkombëtare Kryeministri Edi Rama vazhdon të fajësoj zhvillimet brenda vetë Bashkimit Evropian pse Shqipërisë nuk i çelen negociatat dhe deri më sot nuk ka gjetur asnjë dështim në strukturat e qeverisjes së tij.