Integrimi në BE, Edi Rama prezanton një militant për kryenegociator
Kryeministri Edi Rama ka prezantuar sot në Ministrinë e Jashtme, kryenegociatorin e Shqipërisë për BE, Zef Mazin. Edhe pse foli për një Kryenegociator që duhet të ketë mbështetjen e të gjitha palëve, ai solli një militant partia që as Ambasadorin nuk e bëri si duhet. Dhe, si rrallëherë, ndërsa prezantoi Mazin, Rama tha se ka punuar për institucione ndërkombëtare madje sipas tij është parë si kandidat për President të Republikës.
“Kam parë me kuriozitet ekesperiencat e vendeve të tjera. Serbia zgjodhi një politologë. Mali i Zi ia besoi këtë pozickion një eksperti bujqësie. Maqedonia e Veriut duket se do ia besojë një juristi të njohur në vend. Kroacia zgjodhi një zëvendës ministër të Ekonomisë për të përfunduar negociatat e veta shumë me sukses. Ne kemi preferuar të vëmë bastin tonë) një bast që nuk dihet sa zgjat në kohë) me një diplomat me histori të veçantë në suazën e diplomacisë shqiptare Zef Mazit, që ka shërbyer për shumë vite për shtetin shqiptar, por ka shërbyer edhe për organizma të rëndësishëm ndërkombëtar,” tha Edi Rama për Ambasadorin mazi duke shtuar se ai është më shumë se diplomat.
“Zef Mazi hyn tek ata njerëz që përfaqëson të dyja anët e medaljes në këto 30 vjet, anën e medaljes që flet për shërbimin këtu për vendin dhe së dyti flet për eksperiencën në shërbim të një bote më të mirë jashtë vendit dhe brenda institucioneve më të mira ndërkombëtare. Zoti Mazi ka Cv të pasur. Ai është parë si kandidat për të qenë president. Ky fakt vlen të përmendet si shenjë respekti ndaj figurës së tij nga të gjitha partitë që kanë qeverisur vendin.”
I vetëdijshëm që kryenegociatori duhet të jetë një person që duhet të ketë mbështetjen e të gjitha palëve, ai zgjodhi njeriun që është militant i egër i njërës palë, komunistëve.
“Kryenegociatori ynë do të duhet të krijojë një frymë skuadre. Të gjithë të dërguarit tanë drejtohen nga kryenegociatori dhe është pikërisht kryenegociatori që vendos për ta. Grupi negociator do të ketë detyrë që të përmbushë sa më shpejt detyrat që lidhen me kapitujt për integrim. Qeveria do mbështesë grupin.”
Në fund, duhet theksuar se “dy anët e medaljes” për të cilat flet Kryeministri dhe frymë skuadre që i duhet të krijoj Mazi ka të bëjë me partinë kriminale PPSH nga vjen Zef Mazi dhe asaj të transformuar “rilindje” ku ai u fut me zvarritje, anëtarët e së cilës përveç krimit i karakterizon edhe një paaftësi e pashembullt.
Ndryshe, Zef Mazi ishte Ambasador në Mbretërinë e Bashkuar, ku me sukses kreu detyrat e partisë dhe asnjë shqiptari nuk i shërbeu as si ambasadë dhe aq më pak e Shqipërisë.
Ndërsa si Ambaador në OSBE, me sukses arriti ta përmbyll shërbimin duke i ndihmuar Serbisë që të mos lejoj anëtarësimin e Kosovës në këtë organizatë, detyrë që i kishte dhënë vetes Partia e tijë Socialiste qysh kur ishte Ministër i Jashtëm, Kastriot Islami.
