INTERPOL i thotë JO Kosovës, kriminelët në veri të Mitrovicës festojnë
Pas votimit në Asamblenë e Përgjithshme të INTERPOL-it kur iu tha JO anëtarësimit të Kosovës në institucionin që pretendohej se i shërben ligjit dhe sigurisë, ishte e qartë se humbësit e vetëm janë qytetarët joserbë të Kosovës, e sa për fitues, ata u preznatuan vetë. Nga njëra anë Presidenti i Serbisë, Aleksandar Vuçiç nxitoi nga selia e tij të shpallë fitoren dhe në sinkron me të ishin kriminelët serbë në veri të Mitrovicës, të cilët kanë dhe arsye madhore ti gëzohen këtij dështimi të madh të institucioneve kosovare dhe jo vetëm.
“Jam krenar në luftën e vendit tim, që një vend kaq i vogël pa para dhe fuqi në botë arriti që të ngadhnjejë kundr fuqive më të mëdha botërore dhe të dëshmoj se sa e vlefshme është të ruhet liria, integriteti dhe pavarësia,” tha Vuçiç duke shtuar se Serbia arriti ta ruaj fytyrën dhe vetëm Paraguaji ishte shteti i cili votoi për Kosovën dhe shkeli pritshmërinë serbe, gjtihçka tjetër e kishte nën kontroll Serbia.
Për çfarë fytyre të Serbisë e kishte fjalën Vuçiç u pa në të njejtën kohë kur ai po fliste nga Beogradi dhe po i bënte thirrje shqiptarëve që mospranimin në INTERPOL të mos e përjetojnë si humbje të madhe, kriminelët e tij në veri të Mitrovicës u mblodhën në sheshin kryesor duke festuar për t’iu afruar më pas Urës së Ibrit:
“Do të ishte mirë sikur politikanët shqiptarë të Kosovës ti japin këtë mesazh popullit të tyre, që këta njerëz nuk duhet të urrejnë serbët. I bëjë thirrje dhe u lus që të heqin taksën sepse kjo është e rëndësishme për biznesin tonë dhe atë shqiptarë,” tha Presidenti i Serbisë, Aleksandar Vuçiç në Beograd në momentin kur fjalët e tij filluan të reflektojnë tek qytetarët serb në veri të Kosovës me makina dhe thirrje antishqiptare nga kriminelët serbë që iu afruan Urës së Ibrit për lirinë që iu konfirmua nga vetë INTERPOL-i, se mund të vazhdojnë përveç me uzurpimin e pronës dhe keqtrajtimit të shqiptarëve, tashmë edhe me vrasjet që i kishi ndaluar këto muajt e fundit. Pse jo, vrasjet serbe morën vlerësim edhe nga Organizata ndërkombëtare e policisë INTERPOL, e cila merret me bashkëpunim ndërkombëtar të policisë, por këtë refuzoi ta bëjë me Policinë e Kosovës, dhe i hapi krahët krimit serb në Veri të Kosovës, aty ku është vet shkop, vetë Zot!
Ndërkohë misioni i INTERPOLIT, i cili për momentin është vetëm në letër, do të vazhdoj të zbatohet nga Policia e Kosovës ashtu sikur se deri më sot.
Për siguri publike, terrorizëm, krim të organizuar, krime lufte, prodhimin dhe shitjen e drogave, trafikun e armëve, trafikun e qenieve njerëzore, pastrimin e parave, pornografinë e fëmijëve, krimit kundër pronës intelektuale dhe korrupsionit, do të kujdeset Policia e Kosovës në territorin që nuk kontrollohet nga Aleksandar Vuçiç, e shqiptarët mbesin me shpresë se një ditë edhe kjo organizatë ndërkombtare do të ngopet me politikë duke iu kthyer misionit të saj kushtetues, në mënyrë që edhe kriminelët serb në Veri të mbyllin ciklin e tyre të krimeve, në Mitrovicë, Kosovë, Serbi dhe jo vetëm!
