Intervistë me Nënkomisar Nuhun/ Gazetari Basir Çollaku në Prokurori: Ja për çfarë më pyetën…

Drejtori i Informacionit në Televizionin Shijak, Basir Çollaku i cili është kallëzuar nga kryetari i Grupit Parlamentar të Partisë Socialiste, Taulant Balla për “kallzim të rremë” dhe “fyerje” të qëllimshme është marrë sot në pyetje për rreth 30 minuta në Prokurorinë e Krimeve të Rënda.

Basir Çollaku sapo ka dalë nga Prokuroria tha se ai u pyet për mënyrën se si ishte realizuar intervista me oficerin që denoncoi rastin e Xhisiela Malokut, Emilajno Nuhu.

“Isha thirrur nga prokuroria në cilësinë e pesonit që di për rrethana të dobishme për ngjarjen.  Prokuroria t’i shkojë deri në fund, për të nxjerrë grupin armiqësor. Shpjegimet e mia kanë qenë rreth ngjarjes. Prokurorët kanë kërkuar të dinë se cila ka qenë mënyra e intevistës, kontaktet me Nuhun, dhe si është bërë publikimi. Besoj se prokuroria do të jetë korrekte ashtu siç ishte gjatë kësaj séance. Do t’i isha mirënjohës prokurorisë t’i shkonte deri në fund çdo pretendimi politikanësh se mbase ata janë skenaristët e vërtetë”, tha gazetari Basir Çollaku duke përfunduar:

“Unë jam që të kallëzohet kushdo që shpif, por nëse do ta fillonim, duhet ta nisim nga politikanët!”