Irani: Aksioni jonë ka përfunduar.Në rast të hakmarrjes nuk do godasim vetëm Izraelin! Rrjedh plani izraelit…

Mëngjesin e sotëm Irani ka bërë të ditur se sulmi i tij me raketa ndaj Izraelit ka përfunduar, nëse nuk ka provokime të mëtejme ndërkohë Tel Avivi ka paralajmëruar hakmarrje ndaj Teheranit.

“Aksioni ka përfunduar vetëm nëse regjimi izraelit nuk vendos për hakmarrje. Në këtë skenar përgjigja jonë do të jetë më e fuqishme,” tha ministri iranian i Punëve të Jashtme, Abas Araqchi, përmes rrjetit social X.

Earlier this evening, we exercised self-defense under Article 51 of the UN Charter, targeting solely military & security sites in charge of genocide in #Gaza and #Lebanon.

We did so after exercising tremendous restraint for almost two months, to give space for a ceasefire in… pic.twitter.com/SJJrAhxIdN

— Seyed Abbas Araghchi (@araghchi) October 1, 2024

Në një deklaratë për televizonin shtetëror, Shefi i Shtabit të Përgjithshëm të Forcave të Armatosura të Iranit tha se çdo përgjigje izraelite do të përballet me “shkatërrim të madh” të infrastrukturës së tij. Gjithashtu është thënë se do të goditen shënjestrat rajonale të çdo aleati izraelit që përfshihet në këtë konflikt.

Rrjedh plani izraelit i hakmarrjes!

Pasi Irani sulmoi Izraelin mbrëmjen e së martës me të paktën 180 raketa në shenjë hakmarrjeje ndaj fushatës izraelite kundër Hezbollahut në Liban, Kryeministri i Izraelit, Benjamin Netanyahu, ndërsa e cilësoi sulmin raketor të Iranit kundër Izraelit të dështuar, u zotua për hakmarrje.

“Irani bëri një gabim të madh dhe do të paguajë për të. Regjimi në Iran nuk e kupton vendosmërinë tonë për të mbrojtur veten dhe vendosmërinë tonë për t’u hakmarrë kundër armiqve tanë. Ne do t’i qëndrojmë rregullit që kemi vendosur: këdo që na sulmon, do ta sulmojmë,” tha Benjamin Netanyahu në një takim me kabinetin e tij. 

Ndërkohë zyrtarë izraelitë i kanë thënë gazetarit të njohur të portalit Axios, Barak Ravidu, se Izraeli do të nis një hakmarrje të rëndësishme brenda disa ditësh, dhe në shënjestër mund të jenë impiantet e naftës dhe objektet tjera strategjike.

Izraeli dhe Irani kurrë nuk ishin më afër për hapjen e një fronti të ri shumë më të rrezikshëm, i cili do të përfshinte Lindjen e Mesme.

Nëse Irani godet sërish Izraelin, siç ka kërcënuar, nëse goditet nga një hamarrje izraelite, zyrtarët izraelitë theksojnë se të gjitha opsionet janë tavolinë, duke përfshirë dhe impiantet bërthamore. 

“Pikëpyetje e madhe është se si do të përgjigjen iranianët ndaj sulmit, por ta kemi parasysh mundësinë se janë të gatshëm për gjithçka, që do të thotë se do të pasoj një lojë krejtësisht tjetër,” tha zyrtari izraelit.

Shumë zyrtarë izraelit kanë theksuar impiantet iraniane të naftës si shënjestrat më të mundshme, por ka edhe prej tyre që thonë se në shënjestër do jenë edhe vrasje dhe shkatërrim të sistemeve mbrojtëse kundërajrore. Përgjigja izraelite mund të përfshijë edhe sulmet ajrore nga avionët luftarakë, si dhe operacione sekrete të ngjashme me atë në Teheran ku para dy muajve u vra lideri i Hamasit, Ismail Hanijeh.

Ndryshe, ndaj sulmit iranian me raketa dhe dronë kundër Izraelit në muajin prill, Tel Avivi u përgjigj me një sulm të kufizuar ndaj një njësiti të mbrojtjes kundërajrore me sistem S-300 në Iran duke i dhënë fund shkëmbimit të sulmeve të drejtëpërdrejta.

Pas sulmit të fundit, hakmarrja izraelite do të jetë më e rëndësishme, janë shprehur zyrtarët izraelit.

Ndërkohë mëngjesin e sotëm, përkundër retorikës iraniane të luftës, forcat izraelite kanë kryer një sërë sulmesh të reja në kryeqytetin e Libanit, Bejrut, siç u shpreh ushtria izraelite, në shënjestër të sulmeve ishin objektivat terroriste, ndërsa në orët e para të ditës së sotme ishin lëshuar disa urdhra evakuimi për njerëzit që jetonin në ndërtesat në periferitë jugore të Bejrutit.