Irani goditet nga një tërmet i fuqishëm

Të paktën dy persona janë vrarë dhe mbi 240 të tjerë janë lënduar pasi një tërmet i fuqishëm prej 6.0 ballësh që goditi perëndimin e Iranit, raportojnë mediat lokale.

Sipas Institutit Gjeologjik të SHBA-së, tërmeti goditi në jugperëndim të qytetit Javanrud, që gjendet në provincën Kermanshah.

Tërmeti u pasua nga dy dridhja të tjera të tokës, që janë vlerësuar mbi 4 ballë.

Irani shpesh goditet nga tërmete të fuqishme.

Në nëntorin e vitit të kaluar, një tërmet prej 7.3 ballësh goditi qytetet dhe fshatrat e provincës Kermanshah, duke vrarë të paktën 620 persona dhe plagosur mijëra të tjerë.

Ndërkaq, më 2003, nga një tërmet 6.6 baallësh mbetën të vdekur 26 mijë persona dhe u shkatërrua qyteti historik, Bam