Ish-diplomati serb: Ekziston mundësia që Rusia ta njohë Kosovën!

Ekziston mundësia që Rusia ta njohë Kosovën, tha Ish-diplomati serb Milan Protiç duke vlerësuar se të paktën do të përmbahet nga përdorimi i vetos në Këshillin e Sigurimit të Kombeve të Bashkuara.

“Nëse kjo do të aktivizohet këtë herë dhe si do të aktivizohet , kjo do të ndodhë herët a vonë,” tha ai për podcastin Radar Forum të gazetës serbe Radar.

I pyetur nëse dinte më shumë për pretendimet e Presidenti Trump dhe nëse një skenar real mund të ishte që, nëse Shtetet e Bashkuara do ta njihnin Krimenë dhe katër rajonet në Ukrainën lindore që Rusia i ka përfshirë tashmë në kushtetutën e saj, Trump dhe Putin do të arrinin një marrëveshje në të cilën Putini, në këmbim, të thoshte: Mirë, do ta njoh Kosovën, pasi kjo po ju krijon probleme!

“Ose thjesht të mos e përdorë veton në Këshillin e Sigurimit? Kjo do të mjaftonte. Ishte e qartë edhe 20 vjet më parë se kjo ishte një mundësi. Në momentin kur ia vendos fatin e një çështjeje kombëtare në duart e dikujt tjetër, të një fuqie të madhe duhet të llogarisësh se, në një moment dhe për interesat e veta, ajo fuqi e madhe mund ta përdorë atë si kartë pazari,” tha Protiç duke e vlerësuar si plotësisht logjike.

“Nuk ke nevojë të jesh gjeni i politikës së jashtme për të kuptuar se një rrezik i tillë ekziston, se një mundësi e tillë ekziston. Nëse do të aktivizohet këtë herë dhe si do të aktivizohet? Do të ndodhë herët a vonë. Në vend që të negocionit dhe ta gjenit vetë një zgjidhje, ju ia dorëzuat atë çështje dikujt tjetër. Sapo e bëtë këtë, u nxorët jashtë loje, sepse kurrë nuk e dinit se çfarë donit – e dinit vetëm çfarë nuk donit,” tha Ish-diplomati serb Milan Protiç dhe analisti i rrethanave politike në Ballkan duke përfunduar:

“Çfarëdo që u ofrua, çfarëdo që u propozua, ju e refuzuat, po flas për Serbinë, nën qeverinë e mëparshme, nën Milosheviçin dhe nën qeveritë pas Milosheviçit. Asnjëherë nuk dolët me një propozim tuajin për zgjidhjen e çështjes në një mënyrë që do të ishte e pranueshme.”