Ish-krerët e UÇK-së në Hagë, filloi paraqitja e fjalëve përmbyllëse të gjykimit 

Sot në Gjykatën Speciale në Hagë filloi paraqitja e fjalëve përmbyllëse për rastin kundër Ish-Presidentit të Kosovës, Hashim Thaçi, Ish-Kryetarëve të Parlamerntit Kadri Veseli dhe Jakup Krasniqi, dhe ish-deputetit, Rexhep Selimi.

Prokuroria, mbrojtësit e viktimave dhe mbrojtja e të akuzuarve, duke filluar prej sot e deri në 18 shkurt do të paraqesin në Dhomat e Specializuara, fjalën përfundimtare për gjykimin.

Në seancën e fundit Hashim Thaçi, Kadri Veseli, Jakup Krasniqi e Rexhep Selimi, që akuzohen për krime lufte dhe krime kundër njerëzimit, krime që pretendohet se janë kryer midis muajit mars të vitit 1998 dhe shtatorit të vitit pasues në disa lokacione në Kosovë dhe në veri të Shqipërisë, do t’i kenë në dispozicion nga 20 minuta për të dhënë qëndrimet e tyre.

Ndryshe, ajo që prokurorët e kësaj çështje arritën të shpalosin para kësaj gjykate deri më sot, sipas ekspertëve e bëri këtë gjykatë joserioze dhe të pabesueshme ende pa e thënë fjalën e fundit.

Pas fjalës përfundimtare, trupi gjykues ka 90 ditë kohë për të marrë një Vendim.