Ish-kryebashkiaku nën hetim, Prokuroria çon dosjen në gjykatë

Disa ditë pasi e kishte marrë si të pandehur për veprën penale të “shpërdorimit të detyrës” ish–kryetarin e Bashkisë Vau i Dejës Gjon Ndue Marku, Prokuroria e Rrethit Gjyqësor Shkodër ka dërguar çështjen penale për tu shqyrtuar në gjykatë.

Sipas Prokurorisë, nga hetimet e kryera, rezulton se Gjon Ndue Marku, me detyrën e kryetarit të Bashkisë Vau i Dejës gjatë periudhës 2011-2015, ka lëshuar një licence si dhe një certifikatë “Për transport udhëtarësh në linjë të rregullt ndërqytetëse ndërmjet qarqeve”, në kundërshtim me detyrën.

Njoftimi i plotë

Në Shkodër, sot me datën 18.07.2018, Prokuroria e Rrethit Gjyqësor Shkodër, pasi përpara disa ditësh kishte marrë si të pandehur për veprën penale të “Shpërdorimit të detyrës”, parashikuar nga neni 248 i K.Penal, ish–kryetarin e Bashkisë Vau i Dejës, shtetasin Gjon Ndue Marku, ka dërguar çështjen penale për tu shqyrtuar në Gjykatën e Rrethit Gjyqësor Shkodër.

Nga hetimet e kryera rezulton se shtetasi Gjon Ndue Marku, me detyrën e kryetarit të Bashkisë Vau i Dejës gjatë periudhës 2011-2015, ka lëshuar një licencë si dhe një certifikatë “Për transport udhëtarësh në linjë të rregullt ndërqytetëse ndërmjet qarqeve”, në kundërshtim me detyrën.