Ish-Prefekti i Tiranës jep dorëheqje nga kandidimi, pritet angazhimi i pensionistit të radhës…

Pas 4 vitesh kontribut si Prefekt i Qarkut Tiranë dhe 4 vitesh si deputet i Partisë Socialiste, sot Sadi Vorpsi bënë të ditur se ka vendosur të jap dorëheqje nga kandidimi si deputet duke i kaluar stafetën, ashtu siç i kërkoi socialisti më i gjatë jo vetëm Vorpsit, prurjeve të reja për t’u fokusuar më shumë tek familja dhe angazhime private ndërsa përfundon:

“Ju falenderoj nga thellësia e zemrës për të gjithë mbështetjen dhe mezi pres të bashkojmë forcat për fitoren e 25 Prillit.”

Ndryshe, kjo është dorëheqja e radhës në Partinë Socialiste për ti hapur rrugën prurjeve të reja ndërsa Kryetari i PS, Edi Rama, deri më tani këto prurje i ka konsideruar Ing.Luljeta Bozon dhe Dr.Najada Çomon.

Sa janë prurje të reja, këtë e dinë Partia!

Ja statusi i plotë:

Të nderuar miq, mbështetës e dashamirës!

Pas 4 vitesh kontribut si Prefekt i Qarkut Tiranë dhe 4 vitesh si deputet i Partisë Socialiste, kam vendosur t’ia kaloj stafetën prurjeve të reja për t’u fokusuar më shumë tek familja ime dhe në angazhime të tjera private. T’i sherbeja vendit dhe qytetit tim ka qenë nder dhe privilegj i jetës sime.

Partia Socialiste është jo vetëm shtëpia më e madhe politike, por dhe më përparimtarja e gjithëpërfshirësja. Edi Rama e transformoi nga një parti në opozitë të vështirë, në forcën vendimtare për qeverisjen dhe modernizimin e vendit.

Kam shijuar çdo moment përfaqesimin e komuniteve nga zemra e Tiranës, e më pas në Vorë e në Farkë dhe jam krenar për gjithçka kemi arritur së bashku. Edhe pse nuk do të kandidoj sërish, do të jem po aq aktiv në fushatën e 25 Prillit për mandatin e domosdoshëm të PS dhe Edi Ramës për t’i çuar gjer në fund punët e nisura e për ta bërë Shqipërinë zonjë.

Ju falenderoj nga thellësia e zemrës për të gjithë mbështetjen dhe mezi pres të bashkojmë forcat për fitoren e 25 Prillit.

Juaji gjithmonë, Sadi”, shkruan ai.