Video/ Ish-Presidenti i Francë nis dënimin me burg, letra e Nicolas Sarkozy para burgosjes
Pak pas orës 10 të mëngjesit të sotëm, dorë për dore me partneren e tij, Carla Bruni, Presidenti i Francës, Nicolas Sarkozy, doli nga shtëpia e tij për t’u drejtuar burgut, ku u prit me brohoritje nga mbëstetësit e tij ku kënduan himnin kombëtar francez, La Marseillaise.
BREAKING: Former French President Nicolas Sarkozy walks to prison
— Sky News (@SkyNews) October 21, 2025
He was sentenced to five years after being found guilty of criminal conspiracy, but not guilty of receiving illegal campaign financing from the late Libyan dictator Muammar Gaddafihttps://t.co/F9BwiYGJiS pic.twitter.com/A2dWdxBnTa
U përshëndet me mbështetësit dhe të dashurit e tij, hipi në makinë dhe u nisë për në burgun La Santé, ku do vuajë 5 vite burg.
Letra e Sarkozy para burgosjes: Skandal gjyqësor, ndiej trishtim të thellë për Francën!
I përgatitur për të kaluar muret e burgut La Santé, Nicolas Sarkozy shprehu mendimet e tij për popullin francez në një letër që e postoi sot në mëngjes në llogarinë e tij X.
Ish-presidenti francez denoncon një “skandal gjyqësor” dhe një “proces vuajtjesh” që, siç thotë ai, ka vazhduar “për më shumë se dhjetë vjet”.
“Prandaj është një rast financimi i paligjshëm pa asnjë financim!” shkroi ai, duke shtuar se hetimi “u nis në bazë të një dokumenti, falsiteti i të cilit tani është vërtetuar”. Sarkozy thekson se ai “nuk po kërkon asnjë avantazh, asnjë favor” dhe deklaron se nuk po ankohet: “Zëri im dëgjohet.”
Pak minuta pas burgosjes, njëri prej avokatëve të Nicolas Sarkozy bëri të ditu përpara burgut Santé se kërkesa për lirim është paraqitur tashmë.
Ndonëse është shprehur se nuk dëshiron trajtim special në burgun La Santé, autoritetet e kanë ndarë atë në një qeli të veçantë për çështje të sigurisë.
Brenda qelisë, Ish-Presidenti i Francës do të ketë banjon, zonën për dush dhe një televizor të vogël. Përgjatë ditës, atij do t’i lejohen ushtrime brenda një ore në ambiente të jashtme.
Ndër të tjera, Nicolas Sarkozy tha se do t’i marrë me vete dy libra, njërën për jetën e Krishtit dhe tjetrën për Kontin e Monte Kristos, e cila ka të bëjë me jetën e një burri të burgosur gabimisht, i cili arratiset për t’u hakmarrë ndaj prokurorëve të tij.
