Ish-Zyrtari i UNMIK-ut mohon akuzat e rilindjes, Edi Rama në sulm: Unë kam vetëm një rol…
Për deklaratën e Ish-Deputetit socialist Dash Peza, Kryeministri Edi Rama nuk tha asnjë fjalë sepse e nxori vetë në publik për nevojat e veta, ama kur Ish-zyrtari i UNMIK-ut, Ehat Miftaraj, i cilësoi marrëzi akuzat ndaj Lulzim Bashës, se dikur si hetues i UNMIK ka fshehur prova, ka arrestuar luftëtarë kosovarë apo ka njollosur UÇK-ë dhe veçoi kontributin e jashtëzakonshëm të tij në formimin e Ministrisë së Drejtësisë dhe Ministrisë së Punëve të Brendshme në Kosovë si dhe kalimin e kompetencave nga UNMIK, Rama reagoi menjëherë duke dalë hapur në krah të propagandës kriminale që nxiti për ditë të tëra, dhe mundohet të bindë popullin se ky është dhe roli që i takon:
“Në këtë mes unë kam vetëm një rol, atë që më takon: T’i kërkoj Lulëzim Bashës t’i sqarojë publikut se kush është ai në këtë mes dhe pse i’a kërkojnë atij dëshmitarët hesapin e nuk i’a kërkojnë dikujt tjetër?! Sepse Lulëzimi nuk është dokushdo dhe këtu nuk flitet as për jetën private, as për punën private, po për një çështje sa publike e me interes kombëtar, aq edhe karakteriale për drejtuesin e opozitës, i cili synon të bëhet i pari i shtëpisë sonë të përbashkët,” thekson Edi Rama duke e shoqëruar dhe me video-dëshmitë e stisura nga laboratori i tij i propagandës ma marrë dhe rolin për të cilin paguhet, të qeverisë vendin! Këtë e ka dëshmuar se nuk e bënë dot. Kur paguhej për të qeverisë Bashkinë Tiranë, merrej me shkatërrimin e Partisë Socialiste! Sot kur paguhet të qeverisë vendin merret me shkatërrimin e Kosovës dhe bashkimin e Shqipërisë me Serbinë!
Ndryshe, Drejtori i Institut të Ligjeve në Kosovë, Ehat Miftaraj, si Ish-zyrtar i UNMIK-ut i ka cilësuar marrëzi akuzat ndaj Lulzim Bashës, se dikur si hetues i UNMIK ka fshehur prova, ka arrestuar luftëtarë kosovarë apo ka njollosur UÇK ndërsa ka veçuar kontributin e jashtëzakonshëm të tij në formimin e Ministrisë së Drejtësisë dhe Ministrisë së Punëve të Brendshme në Kosovë dhe kalimin e kompetencave nga UNMIK.
Statusi i plotë:
Nuk jam unë që e akuzoj Lulëzim Bashën, po vetë heshtja e tij e gjatë, shmangia nga ballafaqimi me pretendimet e palëve të tjera, sharjet në vend të shpjegimeve dhe mosshpjegimet e tij, përballë fakteve dhe dëshmive nga organizata e individë krejt të besueshëm, e kanë kthyer Lulëzimin në një të akuzuar, që sa më shumë i bën bisht përballjes me akuzat, aq më i dyshimtë duket në sytë e publikut!
Në këtë mes unë kam vetëm një rol, atë që më takon: T’i kërkoj Lulëzim Bashës t’i sqarojë publikut se kush është ai në këtë mes dhe pse i’a kërkojnë atij dëshmitarët hesapin e nuk i’a kërkojnë dikujt tjetër?! Sepse Lulëzimi nuk është dokushdo dhe këtu nuk flitet as për jetën private, as për punën private, po për një çështje sa publike e me interes kombëtar, aq edhe karakteriale për drejtuesin e opozitës, i cili synon të bëhet i pari i shtëpisë sonë të përbashkët.
