Ishte dënuar për tri vepra penale, arrestohet në doganën e Morinës

Një 41 vjeçar nga Prizreni, arrestohet në doganën e Morinës pasi ishte shpallur në kërkim ndërkombëtar nga autoritetet e drejtësisë italiane.

I dënuar në Itali me 4 vite e 8 muaj burg, për veprat penale “Dhunë në familje”, “Marrëdhënie seksuale me dhunë” dhe “Kanosja”, Astrit Koçi arrestohet në pikën e kalimit kufitar, pasi iu përpunua dokumentacionit nga policia kufitare dhe rezultoi person në kërkim ndërkombëtar nga Interpol Roma.

Autoritetet gjyqësore të Bellunos Itali, e dënuan atë me mbi 4 vite burg më 24 tetor të vitit 2007. Materialet i kaluan Prokurorisë së Rrethit Gjyqësor Kukës për veprime të mëtejshme.