Itali, 756 ndërruan jetë, 13.030 u shëruan nga koronavirusi

Gjatë 24 orëve të fundit 756 persona kanë ndërruar jetë në Itali ndërkohë janë konfirmuar 5.217 raste të reja me koronavirus.

Kështu numri i të infektuarve ka shkuar në 97.689 ndërsa janë shënuar 10.779 viktima nga COVID-19.

“Për fat të keq sot kemi shënuar 756 raste të reja të vdekjeve. Numi i atyre që janë shëruar është 13.030,” tha shefi i Mbrojtjes Civile të Italisës, Angelo Borrelli ndërsa përditësoi të dhënat.

Italia numëron 1/3 e vdekjeve të shkaktuara nga COVID-19 në botë ndërsa dita më e zezë ishte dita e premte me 919 të vdekur.

Një shenjë pozitive që theksoi sot Mbrojtja Civile është se është shtuar shumë pak numri i personave të shtruar në spital ashtu si dhe atyre në kujdes intensiv.

Ndryshe, aktualisht janë 662.700 të prekur nga koronavirusi në botë ndërsa kanë ndërruar jetë 30.751, raporton Agjencia e lajmeve Reuters.