Itali, 889 të vdekur dhe 1.434 të shëruar nga koronavirusi, vendosen rregulla të reja për hyrje në vend

Ndonëse kemi një ulje në numrin e rasteve të reja me koronavirus ashtu si dhe atyre të vdekjeve në 24 orët e fundit në Itali, prap kemi të bëjmë me një bilanc të frikshëm. Sipas të dhënave të Mbrojtjes Civile, gjatë 24 orëve të fundit, numri i personave që rezultuan pozitivë me koronavirus ishte 3.651 deri sa dje ishte 4.401, ndërsa janë regjistruar 889 vdekje deri sa dje ishte 969 derisa lajm vërtetë i mirë ishte shërimi i 1.434 personave deri sa dje ishin 589 të premten.

Kështu, që nga nisja e epidemisë në Itali janë prekur 92.472 persona ndërsa kanë ndërruar jetë 10.023 persona.

Duke filluar prej sot kanë hyrë në fuqi dispozita të rrepta për ata që hyjnë në Itali me transport ajror, detar, hekurudhor ose tokësor dhe masa organizative, përfshirë detyrimin që transportuesit të sigurojnë maska për pasagjerët dhe ekuipazhi të përdorë pajisje mbrojtëse. Urdhri i aprovuar nga Ministrja e Infrastrukturës dhe Transportit Paola De Micheli dhe Ministri i Shëndetësisë Roberto Speranza gjithashtu parashikon matjen e temperaturës së udhëtarëve që vijnë.

Kushdo që arrin në territorin kombëtar italian duhet të japë një deklaratë që, në mënyrë të qartë dhe të detajuar, specifikon arsyet e udhëtimit, adresën e plotë të shtëpisë ose vendbanimit në Itali, ku do të kryhet periudha e mbikëqyrjes shëndetësore dhe izolimit në besim, automjeti privat ose mjetit që do të përdorë për të shkuar në destinacion atë dhe një numër telefoni celular ku të kryhet komunikimi.

Lajm i mirë, sipas France Presse, është se përqindja e infeksionit në Itali po ngadalësohet, +8.3 për qind të enjten, +7.4 për qind të premten dhe +6.9 për qind sot të shtunen.