Itali, arrestohet pas dhunës në familje 54 vjeçari shqiptar

Policia italiane ka arrestuar një 54 vjeçar shqiptar, pas një sherri që ka pasur me familjarët e tij, ndërsa në banesë i janë sekuestruar një arsenal armësh, zjarri dhe të ftohta.

Mediat italiane shkruajnë se 54 vjeçari ka nisur një sherr me gruan e tij, i cili ka precipituar deri në gradën që i arrestuari ka qëlluar me armë në drejtim të djalit të tij 20 vjeç, që fatmirësisht nuk është lënduar.

Policia ka shkuar në banesën ku jetonte familja dhe ka arrestuar 54 vjeçarin.  Alarmi u dha nga bashkëshortja e tij, e cila njoftoi autoritetet policore. Gruaja shqiptare 44-vjeçare dhunohej vazhdimisht nga bashkëshorti.