Itali, bie numri i pacientëve në gjendje kritike dhe rasteve të reja me koronavirus

Numri i pacientëve të prekur me koronavirus që trajtohen në kujdes intensiv në Itali ka rënë për herë të parë, thotë kreu i departamentit të Mbrojtjes Civile, Angelo Borrelli, raporton BBC.

Italia konfirmoi sot 681 vdekje të reja duke e çuar në 15.362 numrin e vdekjeve nga koronavirusi.

Por, Borrelli tha se numri i pacientëve me gjendje kritike ka rënë nga 4.068 sa ishte të premten në 3.994. Rënie ka pësuar edhe numri i rasteve të reja të prekur me koronavirus që sot ishte 2.886.

“Kjo është një pikë shumë e rëndësishme për shkak se shifra është duke u zvogëluar për herë të parë,” tha Borrelli duke shtuar:

“Është e rëndësishme sepse kjo lejon që spitalet tona të marrin frymë. Kjo është hera e parë që kjo shifër ka rënë që nga fillimi i menaxhimit të urgjencës.”

Banorëve në rajonin verior të Lombardisë, raporton RFE, tani do t’u kërkohet të mbajnë maska mbrojtëse ose të mbulojnë fytyrat kur të dalin jashtë.

Masa e re hyn në fuqi të dielën dhe do të zgjasë deri më 13 Prill.

E gjithë Italia është në izolim, por Lombardia – epiqendra e virusit në Evropë – ka pasur kufizime më të ashpra në lëvizje dhe biznes