Itali-Shqipëri, sot Kombëtarja Shqiptare nis rrugëtimin në EURO 2024

Përgatitjet e të përzgjedhurve të trajnerit Sylvinho në Gjermani kanë shkuar mirë, për fat nuk ka asnjë lojtar me probleme fizike, mbi 50 mijë tifozë kuqezi do jenë sot në orën 21:00 në shkallët e stadiumit të Dortmundit për sfidën e parë të Shqipërisë në EURO 2024, ku pritshmëria dhe dëshira do të shkrihen në performancën që Kombëtarja Shqiptare do të tregoj përballë kampionit evropain në fuqi, Italisë.

Nuk është aspak e lehtë, trajneri Sylvinho dhe lojtarët e dinë shumë mirë çfarë i pret kundër Italisë, në fushë do të zbresin më të mirët e momentit, ndërsa për strategjinë e trajnerit brazilian ka një dilemë: do të na duhen më shumë muskuj në mesfushë, apo do të luajmë me formacionin tip të kualifikueseve, 4-2-3-1. Kjo dilemë sjell balotazhin Seferi-Laçi dhe rrjedhimisht edhe ndryshimin e rreshtimit.

Porta pritet t’i besohet Berishës, që ka më shumë eksperiencë. Përpara tij do të luajnë Hysaj dhe Mitaj nga krahët dhe kapiteni Gjimshiti e Ismajli në qendër të mbrojtjes. Në mesfushë, Asllani dhe Ramadani janë të sigurt në qendër.

Nëse trajneri Sylvinho u bashkon atyre edhe Laçin, atëherë Bajrami do të spostohet në të majtë të sulmit, duke ulur Deferin në stol. Asani do të pozicionohet në të djathtë të sulmit, me shpresën e se majta e tij do të përgjigjet edhe këtë herë, ndërsa në majë të sulmit do të jetë Broja, i cili ka shansin ideal për t’i bindur të gjithë për gjithçka që është folur dje flitet për të. Shqipëri këtë herë vjen me alternativa të mira dhe të shumta edhe në stol, me lojtarë të aftë për ta ndihmuar skuadrën, nëse thirren në apel, raporton Panorama duke publikuar dhe formacionin e mundshëm:

Ndryshe, përballja e parë e grupit që u pagëzua “Grupi i vdekjes” ku janë Shqipëria dhe Italia është në orën 18:00, Kroaci-Spanjë.