Italianët votuan, në të ardhmen 345 deputetë dhe senatorë më pak

Rreth 70 për qind e italianëve votuan për të ulur numrin e deputetëve në parlament për më shumë se një të tretën. Kështu numri i ligjvënësve në Dhomën e Ulët të Parlamentit të Italisë do të ulet nga 634 në 400.

Senati po ashtu do të zvogëlohet. Në total numri i deputetëve dhe senatorëve do të ulet nga 945 në 600.

Ky referendum është inicuar nga Lëvizja Pesë Yjet, pjesë e koalicionit qeverisës, me arsyetimin se një hap i tillë do t’i ulë shpenzimet; Madje sipas përllogaritjeve të tyre me këtë veprim do t’i kursehet shtetit rreth 1 miliard dollarë për 10 vjet. Ndërkohë kritikët thonë se këto veprime mund ta dobësojnë demokracinë.

Ky ndryshim përveç se është miratuar në parlament, për finalizim është nevojitur referendum, meqë duhet bërë ndryshime kushtetuese. Ndryshimet tani duhet të bëhen para zgjedhjeve të vitit 2023.

Ndërkohë me këtë Referndum janë zhvilluar zgjedhje lokale në shtatë rajone. E djathta ka fituar në zgjedhjet lokale të paktën në tre rajone, por sondazhet e publikuara tregojnë se lideri i Liga, Matteo Salvini, nuk ka arritur të ndërprejë qeverisjen 50 vjeçare të qendrës së majtë në Toskana. Nëse kjo konfirmohet, atëherë koalicionit qeverisës me Partinë Demokratike do ti sjellë një lehtësim, e cila tashmë është e sigurt se do të humb Marke, por frikën e kishte tek Toskana.

E djathta duke përfshirën Ligën, ka mbajtë kontrollin në Veneto dhe Liguria, ndërsa pritet që Partia Demokratike të mbajë Kampanian, të katën kështu thonë rezultatet e anketave.

Në Apulia, gara në mes të djathtëve dhe Partisë Demokratike është shumë e ngushtë dhe fituesi nuk mund të përcaktohet, ndërsa në Toskana kandidati i partisë Demokratike ka 43.5-47.5 për qind para kandidatit të Ligës i cili duhet të fitoj diku prej 40-42 për qind të votave.

Dhe, në rajonin Valle D’Aosta fituese del Liga, theksojnë sondazhet.