Ithtari i “Botës Serbe”, Jakov Milatoviç, President i ri i Malit Zi! Kosova në rrezik!

Ideatori i “Botës Serbe”, Kisha Serbe si dhe krimineli i luftës Vojislav Sheshel përcaktuan Presidentin e ri të Malit Zi, Jakov Milatoviç, i cili në raundin e dytë të zgjedhjeve presidenciale arriti të marrë 58.9 për qind duke e lënë mbrapa Milo Gjukanoviçin e DPS me 41.1 për qind.

Rezultatin zgjedhor pas numërimit të 100 për qind të votave e bëri publik Qendra për monitorim dhe hulumtim, CeMi, Milo Gjukanoviç e uroi për fitoren ndërsa Mali i Zi humbi betejën ndaj Rusisë dhe Serbisë pas vetëm 17 vjet pavarësi!

Jakov Milatoviç në raundin e parë kishte vetëm 29.2 për qind të votave përballë Milo Gjukanoviçit me 35.3 për qind, dhe ndonëse proklamonte një biografi perëndimore dhe Lëvizjen Europa Tani, PES, si përfaqësues i saj, ai thjeshtë arriti fitoren si prorus ordiner i cili me një fjalë nga mediat perëndimore u përkufizua, Kleronacionialist, gjë që rezultoi edhe e vërtetë!

Po, Jakov Milatoviç ka mbaruar Fakultetin Ekonomik në Podgoricë me notën mesatare 10, ishte bursist i qeverisë amerikane në Universitetin e Ilinoisit, si bursist i qeverisë austriake në Universitetin e Vjenës, si dhe bursist i Komisionit Europian në Universitetin e Romës, dhe në fund edhe bursist i qeverisë britanike në studimet postdiplomike në Universitetin e Oxfordit. Ka punuar në Bankën NLB, Deutsche bankë, dhe BERZH, por kjo nuk i ndihmoi ashtu si dhe si ish-ministër i Ekonomisë ta fitoi garën zgjedhore në Podgoricë, ku mori vetëm 21 për qind të votave! Por, në zgjedhjet presidenciale me ndihmën e ideatorit të “Botës Serbe”, Aleksandar Rakoviç dhe thirrjeve të vazhdueshme të Peshkopit Joanikije Miçoviç si përfaqësues i rrymës ruse në Kishën Ortodokse Serbe, që kundërshton dhe ashpër firmosjen e marrëveshjes në mes të Serbisë dhe Kosovës, arriti të korr fitore jo dje më 2 Prill, por në momentin kur Presidenti Gjukanoviç i tha JO, projektit serbomadh “Ballkani i Hapur”!

Dhe, kjo u bë e qartë kur Lëvizja Europa Tani, PES, fillimisht kishte për kandidat Ish-Ministrin e Financave, Milojko Spajiç, që ishte me Milatoviçin bashkëthemelues i kësaj Lëvizje, por në ditët e fundit kur duhej të bëhej regjistrimi i kandidatit presiencial për zgjedhje, mediat serbe publikuan një dokument ku konfirmohej se Spajiç ishte dhe shtetas i Serbisë, gjë që ishte në kundërshtim me ligjet malazeze.

Duke i hapur rrugë Jakov Milatoviçit drejt presidencës malazeze, rezultoi se ky njeri ishte bashkëmendimtar i “Botës Serbe” ndërsa ai e pranoi vetëm miqësinë që kishte me ideatorin e saj, kishte mbështetjen e Kishës Serbe që e arsyetoi vetëm me pagëzimin që kishte bërë në këtë kishë, u zbulua se ishte mik i kriminelit të luftës Vojislav Sheshel gjë që e mohoi por nuk i hoqi dot si simbolet e Partisë Radikale Serbe nga tubimet e tij zgjedhore, ashtu dhe muzikën ekskluzive të gruas së kriminelit serb të luftës Arkan, Ceca Razhnatoviç!

Në momentin kur u shpall kandidatura e tij, të gjitha mediat me analistë nuk kishin dyshime se Milatoviç do dal fitues për shkak të kët backgroundi kriminal ndërsa analistët serbë që kundërshtojnë diktaturën e Aleksandar Vuçiçi shprehën keqardhje!

“Milatoviç do të zgjidhet për ata që me gjithë shpirtin nuk janë për BE, e në veçanti për NATO. Në mënyrë indirekte mendoj se Vuçiç më mirë do të kaloj me Milatoviçin se sa Gjukanoviçin,” tha Dushan Janjiç nga Forumi për Marrëdhënie Etnike duke hedhur poshtë të gjitha që fliten për Mialtoviçin si ministër dhe qeverinë ku ai ishte sepse ajo nuk ka bërë asgjë!.

“Edhe pse partia e Sheshelit është jashtëparlamentare, pas mbështetjes së tij për Milatoviçin janë të gjithë ata patriot që mendojnë se Rusia është më e rëndësishme dhe se nuk duan në BE. Pra, për ta ai është një përzgjedhje e natyrshme, dhe investimi që nuk është kryer deri në fund meqë Mali i Zi ekziston, është në NATO e kjo është një pikë e dhimbshme për ta. Serbizmi dhe të tjerat, atyre u shërbejnë për mobilizim, ndërsa Balsha Bozhoviç nga Akademia rajonale për zhvillimin e demokracisë shkon tutje:

“Jakov Milatoviç komplet varet nga Joanikije Miçoviç dhe regjimi zyrtar në Beograd, atë e mbështesin kryesisht pjesët e opozitës proruse në Serbi” tha Bozhoviç duke saktësuar se ai nuk ka infrastrukturë politike për fitore për ta bërë një zyrtarë të pavarur.

“Ai ka marrë para për fushatë nga persona të panjohur. Kur nuk keni financa jotransaprente atëherë rreziku është i veçantë. Dhe, kur dikush ju paguan fushatën zgjedhore pret që ky nder ti kthehet? Këtë qytetarët duhet ta dinë,” tha Bozhoviç duke shtuar se ky njeri ishte shumë agresiv ndaj ish-ministrit të jashtëm malazez, Raduloviç, i cili i propozoi qeverisë së Malit Zi të vendosen sanksione ndaj Rusisë.

“Milatoviç ishte kundër sanksioneve ekonomike ndaj Rusisë dhe vetëm pas presioneve ndërkombëtare ish-kryeministri Krivokapiç u detyrua ti vendos këto sanskione. Dhe, bashkëpunëtorja e tij Olivera Injac, në fillim të agresionit rus, në mbledhjen e ministrave të Mbrojtjes të vendeve anëtare të NATO-s, refuzoi të deklarohet për sanksionet ndaj Rusisë,” tha Bozhoviç duke shtuar:

“Ju nuk mund të keni më vlerën e qartë vertikale antifashiste që është themeli i Malit Zi. Çfarë mendon kandidati Milatoviç për Srebrenicën, Karaxhiçin, Mladiçin? Për “Ballkanin e Hapur” dhe dyshtetësinë, që janë shumë të papërshtatshme për inetersat e Malit Zi.

Si një njeri që qëndron në krah të agresionit kishtaro-policor në Cetinje në vitin 2021, ku rastësisht nuk kishte të vdekur, e që i shërbeu interesave të regjimit nacionalist të Beogradit, si mund të prisni nga ai që të qëndroj në anën e Malit Zi në të arrdhmen? Kjo nuk është rastësi, këto janë mesazhe dhe politika që ai përfaqëson si ai ashtu dhe njerëzit që e rrethojnë,” përfundon Bozhoviç.

Gjukanoviç iku!

Gjithsesi, tashmë Milo Gjukanoviç humbi zgjedhjet dhe në muajin maj duhet t’a lë Malin e Zi në duart e një prorusi dhe proserbi, ndërsa gjithë paralajmërimet për rrezikun e “Ballkanit të Hapur” që i kanoset shtetit që ai drejtonte si dhe Kosovës, tashmë po troket!

Ndryshe, Milo Gjukanoviç u zgjodh për herë parë President në vitin 1997.

Ai është zgjedhur edhe dy herë President i Republikës ndërsa në krye të qeverisë ishte plotë 7 herë!

Gjatë qeverisjes së tij ishte ai që arriti ta shpallë pavarësinë e këtij vendi në vitin 2006, liberalizimin e vizave, anëtarësimin në NATO në vitin 2017 si dhe procesin e anëtarësimit në BE ku janë kaluar shumë kapituj deri në ardhjen e qeverisë proruse në pushtet me Krivokapiçin në krye, stanjacion i cili vazhdoi edhe me sejmenin e Kishës Serbe, Dritan Abazoviç.

Gjukanoviç gjatë qeverisjes së tij është akuzuar për disa skandale, si kontrabandën e cigareve në Itali por ndaj tij nuk u ngrit ndonjë akuzë, llogari në banka të huaja për të cilat kanë raportuar disa media malazeze, si dhe është akuzuar për keqtrajtimin e rivalëve politik.

Partia që drejton Milo Gjukanoviç është në opozitë nga muaji Gusht i vitit 2020.

Në zgjedhjet e djeshme të 2 Prillit, CeMi raporton për një pjesëmarrje prej 70.4 për iqnd ndërsa KQZ raporton për një pjesëmarrje prej 69.33 për qind nga gjitshej 542.154 qytetar sa ishin me të drejt vote.