Iu larguan dy deputete, ja reagimi i Idrizit të PDIU…

Dy deputete të PDIU, Reme Lala dhe Elena Xhina, deklaruan sot publikisht kalimin e tyre me Partinë Socialiste. Deklarata është bërë nga Dibra, gjatë një takimi të organizuar nga Edi Rama me rastin e nisjes së punimeve në Rrugën e Arbrit.

Por, në një deklaratë të shkurtër në faqen e PDIU në “Facebook”, thuhet se kandidatet janë deklaruar me PS-në që në përfundim të zgjedhjeve dhe se kjo gjë nuk sjell asnjë ndryshim në veprimtarinë politike të kësaj force për çështjen çame.

“Lajmet e vjetra që sot shiten si të reja, për individë që kanë qenë thjesht kandidatë të PDIU-së, sepse janë deklaruar me PS-në qysh në përfundim të zgjedhjeve, nuk sjellin asnjë ndryshim në veprimtarinë tonë politike për zgjidhjen e çështjes Çame.

Çështja Çame na bashkon dhe na ndan me këdo … si një kauzë jo vetëm e jona, po e çdo”, thuhet në reagim.