Ivanov bojkoton flamurin e NATO-s

Presidenti i Maqedonisë së Veriut, Gjorgje Ivanov nuk ka marrë pjesë në ceremoninë solemne të ngritjes së flamurit të NATO-s para objektit të Qeverisë.

Nga Qeveria kanë njoftuar se presidenti, Gjorgje Ivanov, ka qenë i ftuar në aktin solemn të ngritjes së flamurit të NATO-s. Nga ana tjetër nga kabineti i presidentit Ivanov, për Tv Telma, tha se presidenti nuk ka qenë i ftuar të marrë pjesë në këtë ceremoni solemne, raporton Koha.mk.

Ndryshe, para Qeverisë ishin të pranishëm një numër i madh i zyrtarëve dhe ish-zyrtarëve të Maqedonisë, por kanë munguar lideri i partisë opozitare maqedonase, VMRO-DPMNE, Hristijan Mickoski, si dhe Ish-Presidenti, Branko Cërvenkosvki.