Ivo Sanader, lirohet me vendim të formës së prerë, s’është përfitues nga lufta
Gjykata e Lartë Penale e Kroacisë hodhi poshtë rekursin e Prokurorisë kundër Krimit të Organizuar dhe Korrupsionit, USKOK, dhe la në fuqi vendimin e Gjykatës së Qarkut të Zagrebit, e cila liroi ish-kryeministrin kroat Ivo Sanader nga akuzat e përfitimit nga lufta në aferën Hypo.
Siç shpjegohet përmes një komunikate, Gjykata e Lartë Penale e Kroacisë hodhi poshtë rekursin e Avokatit të Shtetit dhe la në fuqi vendimin e shkallës së parë të Gjykatës së Qarkut të Zagrebit, i cili e liroi të pandehurin Sanader për veprën penale të shpërdorimit të detyrës dhe autoritetit, duke zbatuar Ligjin për mosparashkrimin e veprës penale të përfitimit nga lufta dhe veprave penale nga procesi i privatizimit (mëtejë në tekst, Ligji për Mosparashkrimin).
Ky është rigjykimi i dytë, pasi dënimi i mëparshëm i formës së prerë u shfuqizua nga Gjykata Kushtetuese e Kroacisë dhe pasi dënimi jo i formës së prerë i dhënë në procedurën e përsëritur pas vendimit të Gjykatës Kushtetuese u prish nga Gjykata e Lartë e Kroacisë, duke e kthyer çështjen në Gjykatën e Qarkut të Zagrebit për rigjykim përpara një trupi gjykues krejtësisht të ndryshuar.
Çfarë përcaktoi Gjykata e Lartë Penale?
Gjykata e Lartë Penale vlerësoi se rekursi i Avokatit të Shtetit ishte i pabazuar. Gjykata e Shkallës së Parë nuk ka bërë shkelje të theksuara të dispozitave të procedurës penale dhe saktë dhe në tërësi i ka vërtetuar faktet.
Në vendim thuhet se Gjykata e Shkallës së Parë ka konstatuar se nuk janë plotësuar kushtet nga Ligji i mosparashkrimit për shkak të mungesës së përfitimit “përfitimit material joproporcional”. I pandehuri komisionin kontestues e ka marrë nga fondet e bankës.
Për këtë arsye, shprehet më tej Gjykata e Lartë Penale, bëhet fjalë për dëm jopasuror që çdo zyrtar shtetëror mund ta kryejë duke kryer një vepër penale, pavarësisht nëse ajo kryhet në kohë lufte apo paqeje.
Duke qenë se kjo e bën të pamundur zbatimin e Ligjit për mosparashkrim, parashkrimi i ndjekjes penale për veprën penale të shpërdorimit të detyrës dhe autoritetit ka hyrë në fuqi më 22 mars 2022. Prandaj, argumentimi mbi të cilin Gjykata e Shkallës së Parë ka mbështetur vendimin e saj është plotësisht i drejtë dhe i bazuar në ligj.
