Izraeli heq vizat për qytetarët e Kosovës

Qytetarët e Kosovës nuk do të kenë më nevojë për viza për të udhëtuar në Izrael. Nënshkrimin e marrëveshjes ndërshtetërore për heqjen e vizave e kanë bërë ministrja e Punëve të Jashtme dhe Diasporës, Donika Gërvalla dhe ministri i Brendshëm i Izraelit, Moshe Arbel.

Kështu, Izraeli bëhet shteti i 50-të që mundëson lëvizjen e lirë për qytetarët e Kosovës.

Marrëveshja do të fillojë së zbatuari nga 19 shtatori i këtij viti.

Ndryshe, para firmosjes së kësaj Marrëveshje, ministri i Brendshëm i Izraelit, Moshe Arbel është pritur në takim nga Kryeministri i Kosovës, Albin Kurti.

Dy shtetet zyrtarizuan marrëdhëniet diplomatike në shkurt të vitit 2021.