Ja çfarë do të ndodhë në protestën e opozitës/ Deputetja zbardh detajet…

Deputetja e PD-së Jorida Tabaku ka treguar disa nga detajet nga protesta që do të zhvillojë nesër opozita, me pjesëmarrjen edhe të qytetarëve.

E ftuar në rubrikën ‘Opinion’ në “News24” Tabaku theksoi se protesta nuk ka si qëllim të saj që të zgjasë shumë.

“Ka pothuajse një muaj ose një muaj e gjysmë që janë zhvilluar dhe organizuar protesta të vogla në të gjithë Shqipërinë. Ishte thënë që atëherë që do të kulmonte me një protestë të madhe. Nuk ka asnjë pyetje dhe asnjë diskutim që PD është gati, por edhe qytetarët, bizneset, fermerët e pensionistët. Kjo është një protestë qytetare. I drejtohet kujtdo që nuk bie dakord me krimin në qeveri. Politika ka shkaktuar të gjitha këto pasoja që po u vuajnë qytetarët. 90 % e qytetarëve kanë konsum të ulët. Ka më shumë arsye për të protestuar kur të rinjtë e arsimuar janë të papunë. Është e vështirë që të hapen negociatat në qershor pasi qeveria ka dështuar që të plotësojë 5 kriteret.

Në 2015 u ofrua një sugjerim për hapjen e negociatave, por qeveria dështoi. Pasi rruga e saj nuk puqet me BE. Ne besojmë që përveç monitorimit të 5 prioriteteve, do kishte edhe një rreptësi më të madhe për të monitoruar punën e qeverisë. Kryeministri, e kam të vështirë ta them, por gënjen. Ne kurrë në asnjë rast nuk kemi kërkuar mos hapjen e negociatave. Ne kemi kërkuar hapjen e tyre. Ne nuk do të mbyllim një sy kur e vërteta është kjo. Në protestat e PD nuk kanë pse të kenë frikë.

PS se marr përsipër. Në krye të protestës do të jemi ne, deputetë të PD, artistë, akademikë, pedagogë, intelektualë. Takimi është caktuar në 10:30, ku do të mblidhemi të gjithë. Do të jetë proteste që do të tregojë forcë dhe jo numrat. Do të shkundë qeverinë. Nuk është parashikuar të jetë e tej zgjatur protesta, do të ketë akte simbolike. Do të jetë një protestë që do të shkundi qeverinë. Nuk do të thotë se ne nuk djegim makina, por opozita e ka seriozisht. Dua që nesër të iki Rama, të ulen taksat, të ikë Xhafaj. Aksioni politik do të pasojë me rezultate konkrete”, tha Tabaku.

Po ashtu demokratja komentoi edhe faktin se Rama nuk do të jetë nesër në Tiranë, zgjedhje qe sipas saj bëhet gjithmonë nga ai kur ka protesta. “Nuk është gjë e re që zoti Rama nuk ka qenë në asnjë nga protestat që ka bërë opozita. E di sa të pakënaqur janë qytetarët, janë nuk flet për bilancin e të kaluarës, por vetëm për ëndrrat”, përfundoi Tabaku.