“Ja hipën sipër Vojos”/ Veliaj tallet, qytetarëve u prishen bizneset te “Selvia”

Kryebashkiaku i Tiranës Erion Veliaj ka reaguar lidhur me ngjarjen që momentalisht po vijon e shoqëruar me tensione të larta në zonën e Selvisë në Tiranë ku janë shembur disa objekte.

Teksa pronarët luftojnë me përmbaruesit për të mbrojtur pronat e tyre për të cilat thonë se i kanë me dokumente të rregullta, i pari i Tiranës ka zgjedhur ta komentoj këtë situatë duke bërë humor duke e quajtur këtë operacion të ndërmarrë nga bashkia si çlirimi i “Vojo Kushit” dhe godinat që po shemben si “ish-bingo”.

“Pas Ali Demit, nis çlirimi i Vojo Kushit! Nuk mjaftoi ish-bingo, por ja hipen siper Vojos, si ai tankut, me kat pa leje e me grykesi qe as fashizmi s’e kish! Ta dinte Vojo qe do behej kurban per llotot e deputeteve te rene vafti, do e kish menduar dy here ate punen e tankut!”, shkruan Veliaj.

Sot në zonën te Selvisa në Tiranë janë prishur 3 biznese, e kjo sipas banorëve pa dijeninë e tyre.

Duket se ngjarja ka agravuar ku pronarët e objekteve të prishura janë përplasur me policinë dhe të vendosur janë shprehur se janë të gatshëm të vetëflijohen brenda objekteve të tyre.

Punimet kanë vijuar duke thyer xhamat e ndërtesës, ndërkaq 3 personat të cilët ishin brenda në shenjë rezistence janë shoqëruar nga efektivët e policisë.

Më herët njëri prej pronarëve i cili ishte duke agjeruar, ka çelur Iftarin brenda pronës së tij të boshatisur  nga objektet dhe gati për tu prishur.

Deri më tani 2 prej bizneseve janë kthyer në gërmadha dhe tjetri është duke u prishur. Por rezistenca e pronarëve duket e se ka bërë të pamundur prishjen e tij.

Pronarët të lajmëruar nga banorë të zonës apo dhe nga punonjësit që kishin në biznesin e tyre janë shprehur për FaxNews se për gjithë këtë do të vijojnë procedimet penale.