Ja këshillat e policisë për drejtuesit e mjeteve që lëvizin në aksin Plepa-Golem

Policia Rrugore Durrës i ka drejtuar një apel drejtuesve të mjeteve, të cilët frekuentojnë aksin rrugor, dytësor Plepa –Golem.

Me qëllim sigurimin e lëvizjes së lirë dhe pa probleme në këtë aks policia këshillon drejtuesit e mjeteve sa më poshtë:

– gjatë orarit të pasdites të qarkullojnë në intervale kohe të ndryshme dhe jo në mënyrë të menjëhershme;

-të mos kryejnë manovra të gabuara si : parakalime, mos -respektim të normave të shpejtësisë, mos – ruajtje të distancës së sigurisë së mjeteve në lëvizje etj.

– drejtuesit e mjeteve që kanë ardhur me pushime në zonën e Golemit, Mali i Robit të qarkullojnë në drejtim të
Mbikalimit të Kavajës për të dalë në autostradë për në Tiranë për shkak të ngarkesës.

Specialistët e Sektorit të Qarkullimit Rrugor Durrës do të ndëshkojnë çdo drejtues mjeti që shkel normat e Kodit Rrugor.