Ja kur thotë Baba se mund të lëvizni e punoni, gjobat i fali e për terrorin që dhuroi…

Kryeministri Edi Rama prezantoi në detaje të gjitha lëvizjet që mund të bëjnë me bekimin e Babës pas ngujimit deri mëngjesin e së hënës, lumturoi pensionistët me një ajrim për nesër ndërsa fali gjobat e paligjshme që vuri për COVID-19 ama e bëri të qartë se me ligjshmërinë e terrorit në seancën e ditës së djeshme më nuk ka falje, vetëm dënim.

Por Baba në një dalje publike e pranoi se vendi ynë ia ka dalë deri më tani mrekullisht të përballet me COVID-19 dhe pavarësisht mërzive shqiptarët duhet të lumturohen sepse askush, thotë ai, në Shqipëri nuk po vdes për bukë.

“Te dashur miq, se pari ju falenderoj perseri e perseri, per gjithçka keni bere deri ketu! Ju duhet ta besoni, ju lutem ta besoni, nese nuk do te me kishit degjuar dhe besuar, duke bere ate qe keni bere deri ketu, sot do ishim ne rastin me te mire, me mesatarisht 9 te vdekur ne dite dhe ne rastin me te keq, me mesatarisht 16 te vdekur ne dite. Po jo vetem kaq, po do kishim hyre ne spiralen e nje infektimi progresiv te mjekeve e te infermiereve, qe do na kishte keputur sot krahun e luftes. Po akoma me teper, ne sot jo nuk do te mund te flisnim dot per hapje, po do te vuanim stresin e pafundem te nje mbylljeje ne kushte ankthi e paqartesie totale, qe mund ta zgjaste zinxhirin e vdekjeve deri ne 1500 te vdekur ne 90 dite e s’po shkoj pertej 90 diteshit, po te doni bejeni vete numerimin. Pse ju’a them keto?! Se pari, sepse dua te ndjeheni vertete mire, shume shume mire, qe sot jemi ketu ku jemi dhe me besoni, i gjithe stresi i vetvetishem ekonomik sot do ishte ku e ku me i larte. Shkurt llafi, ju sot jeni te merzitur, mese normale, por ama askush nuk eshte i deshperuar, sepse ia kemi dale mrekullisht! Po po, mre-ku-llisht, dhe ja ku jeni, shendosh e mire e kjo nuk eshte pak, kjo eshte gjithcka ne kete situate te jashtezakonshme,” thotë Kryeministri Edi Rama dhe pas kësaj reviste horror se çfarë mund të ndodhte, terrin e zi e vazhdon me bukën e gojës.

“Disa nga ju merziten, madje shperthejne ne sharje, ne akuza e ne mallkime, kur une ju them askush nuk ka vdekur per buke ne kete vend, qysh nga koha e Skenderbeut! Kjo nuk eshte cinike, nuk eshte as arroganca e te parit nga lart, po eshte thjesht nje e vertete qe duhet mbajtur fort parasysh ne kete kohe lufte dhe qe kurresesi nuk do te thote, se nuk ka familje te varfra, nuk ka familje qe mezi e sigurojne buken e gojes, aq me teper ne keto kushte, perkundrazi. Por ama, ndjese per perseritjen, po si ju’a ha mendja atyre qe thone po vdes populli per buke? Kishte me shume apo me pak buke populli gjate viteve te luftes nacional-çlirimtare?! Kishte me shume apo me pak buke populli edhe gjate viteve pas luftes apo ne vitet e fundit te komunizmit, kur e kujtojme mire, hahej me racion e ne dyqane kishte vetem presh e patate me bollek, ndersa per te tjerat ishte kap ça te kapesh?! Dhe as ne lufte, as me pas, ne periudhat me te zeza ekonomike te komunizmit apo te tranzicionit, askush nuk vdiq per buke.

Nga ana tjeter, ne mbase nuk kemi arritur t’i ndihmojme te gjithe, mbase si gjithnje dhe kudo ne bote ne raste te tilla, ka pasur edhe abuzime, por po te shihni listat e verifikuara njerezve qe jane ndihmuar me ushqime, pa llogaritur dyfishimin e ndihmes ekonomike, do te besoni njesoj se une qe kemi ngritur ne kembe operacionin me masiv te mbeshtetjes shteterore te njerezve ne nevoje, ne historine e ketyre 30 vjeteve. Pra, me pak fjale, shendeti mbi te gjitha dhe fale te gjitheve ju, sot mbi te gjitha eshte krenaria legjitime per bilancin e deriketushem te kesaj perpjekjeje kombetare, ne funksion te mbrojtjes se shendetit,” tha Edi Rama duke harruar një detaj shumë të rëndësishëm, terrorin.

Në emër të bukës edhe komunistët bartnin armë e municione me dru, miell dhe kripë, dhe ai që partia e Kryeministrit e quan okupator nuk i ngacmonte sepse pretendohej se po gatuhej, pjekej dhe shitje buka. Por këtë nuk e toleronin policët e Ish-Gjeneral Lleshajt. Duke dalë nga furra ndaloheshin pensionistët me bukë në dorë dhe ndonëse nuk mungonte kërkim falja nga pensionistët, klithja e policëve ishte makabre, më makabre se COVID:

-Pse del, a e ke dëgjuar Kryeministrin çfarë thotë!

Pra, as Ligj, as Akt normativ, as Kanun por Kryeministër!

Dhe, këto skena tërditshmërisë së terrorit fundin e kanë shumë më makabër se sa e ka menduar Edi Rama ose ndonjëri prej ideatorëve të këtyre vendimeve. Turma e kuqe para furrës së bukës, duke tundur kokën në shenjë miratimi të urdhërave të terrorit nga Facebooku, adhuronin pensionistët e përdhoru me bukë në dorë që “nuk kishin dëgjuar” Babën!

Por Baba pas nënshtrimit me terror, për këtë popull kokëulur ka dhe lajme të mira. Për të gjithë ata që shin sëmurë e shkuan te “francezi” dhe meqë nuk kishin lekë për Spitalin Amerikan u kthyen në shtëpi për të shkelur edhe orën e lirisë, u dënuan nga policët e Lleshajt, shpikën arsyetimet nga më të ndryshmet, por sot nuk kanë arsye të gënjejnë, Baba u fali të gjitha gjobat si për këmbësorë ashtu dhe automjete, plotë 9.048 gjoba. A ishin kushtetuese këto gjoba, askush nuk pyeti, ama kujdes se ligjërisht tashmë është kopsitur:

”Shëndeti mbi të gjitha. Falë jush është krenaria legjitime për bilancin e derikëtushëm për këtë betejë kombëtare.

Së dyti jua them sot se sa keq do të ishim po mos kishim bërë gjithçka kemi bërë këtu. Teksa fillojmë hapemi se secili, çdonjëri prej jush bilanci i sotëm mund të përmbyset nëse harrojmë që armiku i padikshëm është kudo, mes nesh, në çdo moment të përfitojë nga gabimi më i vogël.

Vendosëm një kornizë të re masash ndëshkuese, penale dje në Kuvend.
KA disa tipa që jeta më ka mësuar që nuk ndryhsojnë dhe nuk reflektojnë në asnjë kohë, se nuk i lë mllefi, injoranca, ligësia apo mendësi se mund të japin mend.

Këta tipa qofshin ngelësa tipikë me analista në skype apo me profil fallco. U hodhën përpjetë për të mbrojtur demokracinë, nga çfarë nga mbushja e vakumit në Kodin Penal që ishte pa asnjë rresht për një situatë epidemia.
Nuk kam asnjë problem me ta, e kanë me veten.Jo unë po as zoti nuk ua zgjidh dot. Dua t’ju siguroj të më beson se Kodi Penal ka vetëm një qëllim mbrojtjen e jetës dhe familjes tuaj nga abuziemt që mund të kërcënojnë secilin prej jush.

Sot dua t’ju jap një provë të thjeshtë për shkak se ndëshkimet nuk janë as plan për t’u bërë si Enveri as dëshirë e shpirtit tim diktatorial. Për ta forcuar dëshirën kolektive dhe një pakicë nuk mund të lejojë të gërryejë rezistencën dhe të hedhë në lumë gjithë këtë rezistencë duke hedhur në lumë.

Jan ekzekutuar 7 mijë e 107 gjoba për këmbësorët dhe për automjetet të cilat kemi vendosur që t’i falim të gjitha por që nga java tjetër me ndryshimet në Kodin Penal ndëshkimet janë të pakthyeshme.  Nga java tjetër startojmë të gjithë të barabartë,” tha Edi Rama duke i garantuar se ndëshkimet e rrepta dhe të pakthyeshme do të fillojnë nga java tjetër me hyrjen në fuqi të dënimeve të reja pas miratimit të ndryshimeve në Kodin Penal.

Pensionistët nesër paradite mund të dalin për ajrosje

E për të gjithë pensionistët adhurues ose jo të terrorit, Baba për nesër do të lejoj ajrosjen. Luksi i kësaj ajrosje është se nuk do të lejohet dalja e qytetarëve të tjerë apo dhe automjeteve në rrugë, e për të gjithë ata që vazhdojnë e përsëritin se edhe në vatrën më të madhe evropiane, Itali, kishte orar edhe për qenë, askush nuk e ka mohuar, por gjithçka është e kuptueshme kur dihet që italianë nuk kanë Babë.

“Tani, neser, duke qene se gjithcka do te jete e mbyllur, pensionistet do te mund te dalin, jo per vizita, as per domino apo ulje shume te rrezikshme ne grup, po vetem per ajrosje e ecje ne kembe, deri ne oren 11 paradite dhe jo me më shume se nje tjeter pensionist, duke ruajtur distancen e sigurise natyrisht,” tha Kryeministri Edi Rama e për ata që kanë ndnonjë vërejtje aty është Baba për tu bërë me dije se Shqipëria ka ndër bilancet më të mira në botë në luftën ndaj Covid-19.

“Kush nuk do të jetë me vullnetin e popullit, do ta paguajë edhe me pasoja penale. Nuk mund të vazhdojmë më që vazhdiohet kështu, nuk do të tolerohen shkeljet. Sot kam biseduar me kancelarin austriak dhe më ka komplimentuar. Shqipëria ka ndër vendet me bilancin më të mirë të mundshëm në këtë luftë botërore. Austria ka një strategji thuajse të njëjtë me ne. Suedia ka strategji krejt ndryshe nga gjithë bota. Në këto biseda, fola shumë gjëra. Hapja graduale ka edhe pasoja. Mund të kthehemi sërish këtu ku jemi, nëse të infektuarit rriten shumë. Varet nga ne sa arrin të na dëmtojë koronavirusi.”

Që të mos ndodhë kjo, Kryeministri Edi Rama nuk e ka bezdi, e përsërit:

“Distancimi social dhe respektimi i reregullave elementare duhet të respektohen jo duke menduar policinë dhe kodin penal, por duke menduar veten dhe të afërmit. Kjo nuk është kohë për t’ja hedhur shtetin, por cdo shkelje mund të sjellë larg qoftë vdekje. Duhet ta mendojmë se nuk jemi vetëm ne, por të mbrojmë secili-secilin. Ajo që do mbajmë mend është nëse nga kjo luftë do të dalim të fituar apo të humbur.”

Për ata që e dinë, Kryeministri Edi Rama tha se nga beteja përballë COVID-19 shteti ka humbur shumë, ndërsa pohoi se deri në muajin qershor shifra e humbjeve do të shkojë deri në gjysmë miliardë euro. Pavarësisht kësaj, Rama i honeps të gjitha por jo kukuvajkat që predikojnë vdekjen për bukë, pra, opozita, dhe këshilloi qytetarët që të mos e dëgjojnë.

“Motra e vellezer, ju lutem, ju pergjerohem, te qendrojme me dinjitet e me vendosmeri sic kemi qendruar deri me sot dhe jini te sigurte, mos e vini ne asnje cast ne dyshim, se une dhe kjo qeveri do te bejme gjithcka qe te mos leme vetem askend dhe t’i gjendemi vellazerisht gjithkujt nder ju. Por mbajeni parasysh, kjo shtepi, ky shtet, kjo qeveri per pasoje, ka humbur si rezultat i kesaj lufte 100 milione € ne muajin mars, 170 milione € ne muajin prill dhe me gjase do te humbase po kaq, 170 milione € ne muajin maj, 100 milione € ne muajin qershor, pra ne total me shume se gjysem miliarde euro! Nuk po ju qahem e as ankohem, por thjesht po ju sjell ne vemendje qe si ne shume shtepi te zakonshme edhe ne shtepine tone te perbashket te ardhurat jane goditur fort! Kjo do te thote vetem kaq: Kur kerkoni nga une ne keto kushte te veshtira per te gjithe, as mos e dyshoni qe une dua te merrni jo aq sa kerkoni, po edhe me shume nga sa kerkoni, sepse sot me shume se kurre ju jeni te gjithe familja ime dhe çfare eshte e shtetit, nuk eshte imja, po eshte juaja,” tha Baba duke përfunduar:

“Prandaj ju lutem, mos i degjoni as kukuvajkat qe predikojne vdekjen per buke as bilbilat gjyzare qe recitojne recetat cudiberese qe detin e kthejne ne kos! Ne do ta fitojme kete lufte dhe lehtesimi qe do te vije pas saj, do te na beje te kuptojme se sa e forte dhe se sa e mire mund te jete Shqiperia!”

Nga java e ardhshme autorizim javor

Kryeministri Edi Rama bëri me dije sot se autorizimi i mjetit për punonjësit që lejohen të punojnë do bëhet si ajo për leje-dalje në e-albania duke u thjeshtëzuar.

”Ndërsa javën e ardhshme, në platformen e-Albania do të mund të merret njësoj si për këmbesoret, një autorizim javor për të gjithë ata që janë në punët e lejuara dhe automjeti do të mund të lëvize për vajtje / ardhje në punë me vetëm një njeri tjetër brenda ne sediljen e pasme, i cili mund të jetë vetëm një koleg në të njëjtin vend pune,” tha Rama duke i tërhequr vërejtjen të gjithëve se kush merr lejen duhet ta lexojë mirë pasojën penale që vjen nga shkelja e mundshme.

“Po ashtu, javën e ardhshme do të autorizojmë edhe lëvizjen me automjet per arsye shëndetësore, të mbështetur nga një dokument mjekësor që drejtuesi i automjetit duhet ta mbajë me vete. Edhe për kete, lejemarrësi duhet ta lexojë mirë pasojën penale që vjen nga shkelja e mundshme.”

Nesër publikohen listat e bizneseve që fillojnë punën në 20-27 prill

Kryeministri Edi Rama paralajmëron një hapje të bizneseve në dy javët e ardhshme. Duke filluar nga nesër, tha ai, do të publikohen listat e bizneseve që fillojnë punën më 20 apo 27 prill.

”Javen e ardhshme, do mund te punojne lirisht, brenda fashes se percaktuar 5 e mengjesit – 5.30 pasdite apo me turne, te gjithe ata qe nga neser paradite, do te lexojne kategorite e lejuara ne faqen e e/albania.

Te gjithe administratoret, per te gjitha bizneset ne te gjitha keto kategori, duhet te sigurohen qe ne bizneset perkatese do te respektohet protokolI i sigurise dhe duhet t’u lexojne pronareve apo punonjesve te tyre, rregullat e percaktuara nga protokolli, si edhe pasojat penale per shkelesit e tyre. Se katerti, javen ardhshme, duhet te pergatiten per t’u hapur ne javen ne vazhdim, pra duke filluar nga e hena, 27 prill, te gjitha ato kategori te tjera qe do te publikohen si blloku i dyte i hapjes, ne faqen e e/albania,” tha Kryeministri Edi Rama duke e përfunduar në mënyrën që vetëm ai di ta bëjë, me kërcënim:

“Dhe se fundi, dua te jem shume shume i qarte, nga java e ardhshme, ne baze te Kodit te ri Penal, pasojat per shkelesit e rregullave pa perjashtim dhe ne radhe te pare per lokalet e trimave te lagjeve, qe hapen fshehurazi, do te jene te renda e te panegociueshme.”