Ja kush do ta mbajë fanellën me numrin 7 tek Reali

Me kalimin e Cristiano Ronaldos tek Juventusi, fanella me numër 7-të te Reali i Madridit është e lirë.

Megjithatë, sipas mediave spanjolle, numri i lënë bosh nga ylli portugez është pronotuar për belgun e Chelsea, Eden Hazard.

27-vjeçari la të kuptohet gjatë Kupës së Botës që ai do të mendojë ta lërë Londrën këtë verë dhe, sipas spanjolles “Don Balon”, Los Blancos do të tentojë të bëjë gjithçka për ta marrë Hazard në “Santiago Bernabeu”.

Por, problem mbetet kërkesa e Chelsea që kërkon jo më pak se 200 milionë euro, dhe ofertës së Realit që ofron jo më shumë se 150 milion euro.

Hazard mban fanellën me numrin 10 tek Chelsea, e cila aktualisht është e pronotuar nga Luka Modric në Bernabeu, kështu që Madridi pritet të rezervojë numrin shtatë, të veshur edhe më parë nga legjenda e klubit Raul Gonzales.