Ja me çfarë kafshërie komuniste do ta ndërtojë Lulzim Basha të ardhmen!
Kafshët komuniste i quajnë antimitingje pakënaqësitë që demokratët i shprehin aty ku kryetari i shkarkuar i Partisë Demokratike i provokon me ca takime me rilindas të paguar dhe nuk i lejon të marrin pjesë, ndërsa shembull i kësaj kafshërie është dhe reagimi i Kryetarit të komanduar të PD Dega Fier, Agron Kapllanaj nga Mallakastra, i cili “denigron” Sali Berishën me një krahasim që vetëm imagjinata e Edi Ramës ose Erion Velisë mund të pjellë.
“Plaku i padëshëruar non-grata, me një grusht të vogël njerëzish, po bëhet gazi i botës duke bërë gjithçka që të vendosë disa njerëz të gënjyer përballë demokratëve që kanë vendosur të shohin nga e ardhmja jo nga e shkuara. Por më kot e ka Sali Berisha që merr në telefon 10 njerëz e i detyron të bëjnë antimitingjet si në kohën e Ramiz Alisë. Por ai është vetëm një e shkuar e keqe për PD-në dhe gjithë shqiptarët, dhe emri i tij do mbahet mend si një nongrata për korrupsion,” thekson Agron Kapllanaj në reagimin e tij përmes rrjetit social Facebook shoqëruar me një foto që dëshmon mendësinë e tij komuniste dhe të Lulzim Bashës i cili mburret me këtë reagim dhe e shpërndanë.
Ditët e fundit mediat e akuzuan Agron Kapllanajn si hajdut duke u bazuar në akuzat e ngritura nga shteti fqinj, por Kapllanaj rezulton të jetë dhe analfabet funksional, model për të cilin ka nevojë Lulzim Basha.
Ndryshe, nuk do të sillnin personazhet që i kanë shërbyer komunizmit për të përqeshur periudhën më të ndritur të shtetit shqiptar, atë me në krye Ahmet Zogun.
Agron Kapllanaj me Lulzim Bashën mund të vazhdojnë të qeshin me batutat e komunizmit kundër Mbretit Zog, por në kohën e tij analfabet si Kapllanaj dhe Basha nuk mund të uleshin në zyrat e administratës e lëre më të organizonin antimitingje kundër një Koncerti në Lushnje.
Me shembullin që sjell Agron Kapllanaj dhe e mbështet Lulzim Basha, këta njerëz të infektuar nga virusi “Antiberishë” nuk e kuptojnë se më shumë mund të ofendojnë qytetarët e Lushnjes se sa që t’ia arrijnë qëlllimit të dengirojnë liderin historik të PD, Sali Berisha, i cili ndryshe nga këta dy analafabet e din se çka është Koncerti!
Falë Zotit, lushnjarët nuk janë kaq primitiv dhe nuk i kanë të errësuara sytë nga helmi që përhapin Lulzim Basha dhe kriminelët që ka vërdallë. Ndërkohë Sali Berisha e ka tashmë të qartë se kush ishin bashkëpunëtorët për të cilët linte kokën para se ata ta nxjerrin këtë kokë bosh në dritëne diellit!
Në fund, ky krahasim konfirmon ndër të tjera edhe mendësinë që lufton mendimin ndryshe në PD. Komunistizimin që i ka bërë Lulzim Basha Partisë Demokratike nuk ka se si ta luftoj ndryshe këtë mendim që nuk përkon me atë të një lideri të sëmurë përveç se me policë dhe FNSH-në e Edi Ramës.
