Ja me çfarë të çmendur bënë dialog Kosova…
Problemi i kryenegociatorit të Kosovës padyshim se ishte dhe mbetet problem i madh, por ja me çfarë të çmendur duhet të bëjë dialog pala kosovare.
Nga Beogradi, Drejtori i Zyrës për Kosovën pranë qeverisë së Serbisë, Marko Gjuriç kërcënon se nëse pesë serbët e arrestuar në Gjilan nuk lirohen deri në darkë, dialog me Kosovën nuk do të ketë për një kohë të gjatë. Që çmenduria të marrë përmasa edhe më të mëdha, Gjuriç thotë se ky është mesazh i presidentit të Serbisë, Aleksandar Vuçiç dhe se i ka informuar përfaqësuesit e BE në lidhje me këtë çmenduri por që nuk kanë marrë përgjigje.
Kur paralajmëroi konferencën e jashtëzakonshme për shtyp, askush nuk e kishte marrë me mend, se Marko Gjuriç do të dal dhe të mbroj udhëheqësit e strukturave paralele që veprojnë në Kosovë, e që sipas Marrëveshjes së Brukselit dhe “fjalës së dhënë” të Aleksandar Vuçiçit, këto struktura nuk duhet të ekzistojnë sot në shtetin e Kosovës.
Ja kë quan ky i çmendur, sulm të dhunshëm sipas skenarit të zakonshëm të ekstremistëve shqiptarë: arrestimin e prefektit të Gjilanti, Radovan Stojkoviç, drejtorin e SNZ, Jovan Deniç, struktura këto paralele që kanë vepruar në kohën e Millosheviçit e që as me Rezolutën 1244 nuk mund të ekzistojnë në Kosovë; si dhe Nenad Stojanoviç, i cili punon në Ushtrinë e Serbisë dhe jeton në Kosovë ashtu si edhe dy poliçët e Serbisë, Aleksandar dhe Predrag Gjorgjeviç, që jetojnë në Kosovë.
“Mëkati i tyre i vetëm është se kanë kundërshtuar me forcë formimin e ushtrisë së Kosovës,” tha i çmenduri nga Beogradi duke pranuar veprën për të cilën Policia e Kosovës kishte sqaruar arrestimet edhe para daljes së tij publike.
Ndryshe, pesë pjesëtarët e komunitetit serb janë arrestuar nga Policia e Kosovës nën dyshimet se u kanë bërë presion pjesëtarëve të këtij komuniteti në radhët e Forcës së Sigurisë së Kosovës, që ta braktisin këtë Forcë. Vuçic dhe Gjuriç mund të mos e pranojnë Kosovën si shtet, por aktiviteti i pesë të arrestuarëve sipas Ligjeve të Kosovës është vepimtari kundër rendit kushtetues dhe sigurisë së Republikës së Kosovës.
