Ja pse jemi në krizë të thellë, Rama: Fatos Nanon e kam aset dhe i marr opinione!

Nesër do të mbledhet Komiteti Teknik i Ekspertëve por sot Kryeministri i Shqipërisë, Edi Rama, paralajëmroi se do të ketë shtrëngim të masave kufizuese. Më shumë se rritja e numrit të infketimeve, sipas Ramës, më shumë shqetësuese është moszbatimi i masave aktuale që çon në problemet e tjera. Këmbëngul në masa por e pranon se masat nuk i shamngin dot infektimet, por ulin ritmin e tyre.

Foli për koronavirusin, Tiren, Tom Doshin, Ambasadoren amerikane, Bashën, opozitën, akuzoi dhe mediat por pse jemi në një krizë kaq të thellë ekonomike dhe sociale e zbuloi pa dashje: Për çështje dhe vendime kyçe, tha se këshillohet me Ish-Kryeministrin Fatos Nano, dhe ndonëse është Kryeministri më i dështuar në historinë e shtetit shqiptar, e cilësoi aset dhe një pikë referimi për të.

”Ishte një anekdotë e bukur në Francë, dikush pyeste një virolog që a është e vërtetë që COVID-19 do të ndërrojë formë aq shpesh sa do bëhet e pamundur për ta neutralizuar.

Dhe virologu i tha që nuk e di se s’jam gazetar. Faktikisht këtë e them pasi që janë të githë gazetarët që sidomos analistët që në këtë fazë kanë një ngutje të madhe për të nxjerrë konkluzione shkencore, apo hamendësime bazuar në referenca që janë palidhje.

Nuk ka, për më tepër për të nxjerrë arsyet se pse u mbyllëm atëhere, dhe jo sot, se ku lidhen këto nuk e di, nuk jam në gjendje të them. Shumë e thellë lidhja dhe mbase jam i paaftë për ta kuptuar.

Çështja e infektimeve është thënë e stërthënë nga gjithë bota. Masat nuk e shmangin dot infektimin. Masat shërbejnë vetëm për të ulur ritmine infektimit dhe për të garantuar që sistemi i përgjigjet nevojës së njeëzve për të marrë shërbim.

Infektimi do të mbarojë kur të mbarojë vaksinimi. Kaq e thjeshtë është kjo. Se u mbyll Gjermania, u mbyll shumë fort në fundvitin e kaluar, pati rritje të numrit të infektimeve, që u bë objekt i diskutimit. Këto janë masat që i sugjerojnë jo gazetarët e analistët, politikanët, por ekspertët. Ne veprojmë mbasi kemi dëgjuar me vëmendje.

Sa i përket ajo që mund tëj etë ilaçi se sa vetë sëmundja. Nëse sëmundja kërcënon të të vrasi, ilaçi që të vret direkt nuk është ilaç. Këtu është një kompleks i madh çështjesh. Është jeta e njerëzve, psikologjia e përgjithshme, ndërveprimi mes njerëzish, ekonomia, jeta e përditshme etj etj etj.”

Kështu që duhet të jemi shumë në ekuilibër siç kemi qenë deri tani, tha Edi Rama duke sqaruar se nuk janë të shqetësuar për numrat, por për faktin që moszbatimi i masave mund ta çojnë numrat përtej parashikimit ndërsa shtoi:

“Nëse nuk do të kishim marrë masat në fundvit, numrat do ishin të mëdhenj. Këto janë efektet e vikendeve masive në Korçë e Gjirokastër. S’mund të ndalojmë jetën e njerëzve. Nuk mund të di sa kohë duhet të presim mbyllur.  S’mund të rrimë mbyllur, virusin do e asgjesojë vksina.

Komiteti Teknik mblidhet nesër, ata po diskutojmë. I kemi dëgjuar, jaën të shqetësuar. Do ketë një shtrëngim të masave. Ata insistojnë se duhen zbatuar masat që janë. Nëse njerëzit venë maskë, ora policore, subjektet zbatojnë protokollet. Mund të shtojmë masa të tjera.”

U përfol se rritja e numrit të infeksioneve është i qëllimshëm nga Rama për shkak të fushatës, dhe nuk vonoi e Kryeministri tha se po mbahet fushatë duke mos respektuar rregullat ndaj COVID-19, dhe politikanët që bëjnë këtë gjë, do të ndëshkohen.

“Është skandal që partitë politike nuk respektojnë rregullat ndaj koronavirusit. Kam parë se shkeljet bëhen nga të gjithë, nga presidenti, tek ndërmarrja e gruas së presidentit, tek PD, tek PS etj.

Do të shohim edhe takimet elektorale dhe do çdo shkelje, do ndëshkohen me gjobë të gjithë ata që bëjnë këta takime, qofshin ministra, qoftë presidenti, qofshin ministra, kushdo qoftë, unë personalisht jam shumë strikt dhe të tjerët duhet të zbatojnë ligjin. Policia nuk duhet të tolerojë askënd, asnjë politikan, në qoftë se shkelin rregullat, është e patolerueshme dhe e pasjellshme. Këto nuk janë mbledhje ilegale,” tha Rama duke përfunduar:

“Ka edhe takime ilegale, por ata presidenti i mban kokë më kokë me ata të OFL-së!”

Ndërkohë ministrja e Shëndetësisë, Ogerta Manastirliu, duke folur për koronavirusin e ri, tha se priten përgjigjet e analizave laboratorike ndërsa priten KIT i posaçëm për variantet e reja të COVID-19.

“Ne menaxhojmë pandeminë, kurse variantet e reja janë pjesë e studimeve tani që flasim. Vlerësohet se varianti i Afrikës së Jugut mund të rrisë agresivitetin e simptomave që shfaqen. Ne tregohemi të kujdesshëm për deklarata, pasi nuk mund të themi gjë, pa pasur rezultate konkrete nga laboratorët. Nesër do vijë nesër një KIT i posaçëm për të verifikuar variantet e reja,” tha Manastirliu duke sqaruar për çdo hetim fjalën finale e ka Prokuroria.

Në gjithë këtë kompleksitet të menaxhimit të situatës së krijuar me pandeminë, Edi Rama tha se sigurisht gjërat mund të bëheshin edhe më mirë, por peng si Kryeministër nuk ka, madje sipas tij, Shqipëria ia ka dalë deri tani në luftën ndaj pandemisë.

”Jeta është një film që ta bënte filmin më të bukur. Kjo nuk është e mundur. Kësdhtu që a mund të bëheshin më mirë, a ka gjëra, padiskutim që edhe ti mund ta bëje më mirë pyetjen nëse do dije përgjigjen time.

Ajo që ne bëjmë ësthë ajo që sjell si rezultat, ne nuk i dimë. Pasi kem imbylur një eksperiencë dhe shohim çfarë ka ndodhur më parë, patjetër do e bënim më mirë. Peng jo, asgjë. Përkundrazi. Jam shumë i lehtësuar, sepse ka qenë një barrë e jashtëzakonshme dhe një e panjohur e jashtëzakonshme,” tha Kryeministri Edi Rama duke shtuar se falë ministres së Shëndetësisë dhe ekipit, deri tani ia kemi dalë.

Dhe, kur hamendësimet nuk pushojnë duke fajësuar taxistin ose ndonjërin nga këshilltarët e lakuar që mund ta ketë sjell Shqipërinë në këtë deregje, vetë Edi Rama shkurtoi dhimbjet e shqiptarëve për të kuptuar se ne nuk mund të jemi ndryshe kur Kryeministrin e këshillon për çështje dhe vendime kyçe, drejtuesi më i dështuar në historinë e këtij shteti 109 vjeçar.

“Unë me Fatos Nanon kam një marrëdhënie, që është shumë e bukur sot, sepse nuk ka në mes asnjë interferencë nga loja e shahut politik mes aktorëve. Ai me vullnetin e tij është cuar nga tavolina e shahut dhe ka zgjedhur të tërhiqet me një dorëheqje, pas një fushate elektorale. Për mua Fatos Nano është një pikë referimi në sensin që ai ka qenë këtu ku jam unë. Duke qenë i zhveshur nga interesat dhe dinamikat e brendshme të imponuara te cdo aktor që është në tavolinën e shahut, ka të gjithë qetësinë për të më dhënë opinionet e duhura kur ja kërkoj. Që do të thotë që jam unë që kërkoj opinionet e tij, jo ai që ofrohet për të më dhënë opinione, nëse unë nuk ja kërkoj.

E vërteta është që diferenca në këtë rast është se ai nuk e ka pasur një paraardhës me eksperiencën e duhur dhe me talentet e duhura për të nxjerrë nga eksperienca përfundime për të ndihmuar pasardhësin. Unë e kam, është një aset dhe është një fat dhe kënaqësi që në këtë detyrë të kesh mundësi të komunikosh me ata, që e kanë pasur këtë detyrë më parë dhe që mund të të ndihmojnë me opinionet e tyre.”