Ja sa u dënua vrasësi i ish Drejtorit të Policisë, pasi bashkëpunoi me drejtësinë…

Pasi ka treguar porositësit e vrasjes së Ish-komisarit Artan Cuku, vrasësi Mikel Shallari si bashkëpunëtor i drejtësisë është dënuar me 10 vjet burg.

Ky vendim erdhi pasi në seancën e radhës në Gjykatën e Krimeve të Rënda në Tiranë ndaj të akuzuarit për vrasjen e ish-komisarit Artan Cuku, prokuroria ka paraqitur një akt-marrëveshje për statusin e bashkëpunëtorit të drejtësisë që ka marrë vrasësi pasi ka treguar porositësit e krimit të rëndë.

Sipas aktit të marrëveshjes, prokurori  Henrik Ligori ka rënë dakord me Mikel Shallarin që të dënohet me 10 vite burg.

Marrëveshja është bërë me pëlqimin e Shallarit dhe avokatit të trashgimtarëve të Cukut. Shallari ka pranuar se vrasja është kryer në bashkëpunim me Bledar Jambelli dhe Gerti Shajon.

Mikel Shallari vrau në prill të vitit 2017 ish-komisarin Artan Cuku.