Ja si e fitoi Rusia garën për organizimin e Kupës së Botës. Skandale, arrestime…

Kupa e Botës në futboll me siguri se është njëra ndër eventet më të bukura në botë. Futboll cilësor, birrë e ftohtë, femra të bukura… Rasti që shteti nikoqir të dëshmoj të gjitha anët e tij pozitive: qytetet, infrastrukturën, zakonet, traditën. Në betejën për organizimin e Kupës së Botës 2018, në mes të Rusisë dhe Britanisë së Madhe është zhvilluar një luftë diplomatike, e cila rezultoi me skandale të shumta, arrestime… dhe fitoren e Rusisë.

Dihet që në botë ekziston një realitet paralel, i paarritshëm për “njeriun e zakonshëm”.  Për ndodhitë në këtë “univers”, kur është fjala për eventin më të madh në botë, ka folur spiuni anglez në pension, Kristofer Still, i njohur për opinionin publik si njeriu i angazhuar nga ana e FBI që të hartoj dosjen e Donald Tramp, para zgjedhjeve në Shtetet e Bashkuara.

Në pranverën e vitit 2010, Kristofer Still ka marr një mesazh shqetësues, Vlladimir Putin, adhurues i përjetshëm i hokejit, për njëherë interesohet për futboll!

Është interesante se ky informacion ka dalë vetëm disa muaj para votimit të FIFA-s ku do të vendosej organizatori i Kupës së Botës 2018.

Kandidati kryesor që do të merrte të drejtën e organizimit për eventin më të madh të futbollit në botë gjithsesi ishte Anglia. Si vend që “shpiku” futbollin modern në shekullin XIX, me një traditë të fortë futbolli, me klubet më cilësore në Evropë, dhe gjithashtu me stadiumet më moderne, Anglia pretendonte të jetë organizatore e Kupës së Botës, për herë të parë që nga viti 1966. Këtë kandidim e mbështetën edhe Princi William, David Beckham dhe kryeministri David Cameron.

Mirëpo, në “minutën e 90-të”, në garë futet Rusia. Spiuni anglez Kristofer Still merr informacione se Putin është futur në garë për të fituar me ccdo kusht. Vlladimir Vlladimiroviç, në atë kohë kryeministër i Rusisë, e shikonte organizimin e Kupës së Botës si një rast ideal  që të tregoj fuqinë e shtetit të tij por njëkohësisht edhe fuqinë e tij.

Kristofer Still thekson se nga ky moment dhe gjashtë muajt në vijim, ka mbledhur informacione se në çfarë mënyrë po mundohet Putin të fitoj garën për organizimin e këtij eventi. Fillimisht uli çmimin e gazit dhe derivateve të tij shteteve që do të votojnë për Rusinë. Gjithashtu, për krerët e FIFA dhuroi vepra arti me vlera shumë të mëdha, dhe ndikoi tek Roman Abramovich që të bëjë presion tek Presidenti i FIFA, Sepp Blatter që të “ndihmoj” rreth çështjes së Kupës së Botës.

Të gjitha këto informacione, spiuni anglez ia dorëzoi shtetit të vet, mirëpo krerët e federatës angleze ishin të bindur në fitore dhe kishin një vetëbesim të pashoq. Still shkoi edhe një hap më tutje dhe detajet e “komplotit rus” i dorëzoi pranë FBI-së.

Krerët e Byros federale të hetimit i thanë se nuk u intereson se kush do të organizoj Kupën e Botës, por informacionet i përdorën që të fillojnë hetimet brenda qarqeve të futbollit, në mënyrë që ta shpërbëjnë krimin e organizuar në këtë sport.

Kështu dhe filloi i famshmi “Skandali FIFA” dhe njëri prej aksioneve më të mëdha të shërbimeve amerikane IRA dhe FBI,  që rezultoi me shkarkimin e Blatterit nga kreu i FIFA dhe ndalesën që të gëzoj çfarëdo lloj posti në botën futbollit. Përveç kësaj, u arrestuan shumë zyrtarë të federatave të futbollit në vende të ndryshme, si dhe njerëzit në postet e larta në FIFA.

E Rusia? Rusia ngeli e paprekur dhe kombëtarja e saj u kualifikua në Kupën e Botës…