Jakarta, rreth 100 milionë banorë kanë ngelur pa drita

Kryeqyteti i Indonezisë, Jakarta, dhe krahinat pranë në Java janë goditur nga një mungesë e madhe e energjisë elektrike për shkak të problemeve në disa HEC-e, ka bërë të ditur, Kompania elektroenergjetike shtetërore, PLN.

Dritat janë ndërprerë pak pas mesnatës, sipas orës lokale, ndërsa ka goditur rajonin ku jeton më shumë se 100 milionë njerëz, duke përfshirë pjesën më të madhe të Jakartës.

“Jemi duke punuar ende. Lutuni që situata së shpejti të kthehet në normalitet,” tha zëdhënësi i PLN-së duke mos dhënë afate se sa mund të zgjasë kjo situatë, vetëm se ka bërë të ditur se energjia elektrike është ndërprerë për shkak të linjës së interkonjeksionit në mes të lindjes dhe perëndimit, që ka shkaktuar dhe ndërprerjen e dritave në të gjitha HEC-et në qendër dhe perëndim të Javës.

Aeroporti dhe spitalet e qytetit në Jakarta punojnë normalisht fal gjeneratorëve. Qindra udhëtarë janë detyruar të evakuohen nga metrotë dhe trenat e transportit të qytetit.