James do respektojë marrëveshjen me Bayern, por…

James ka lidhje të fuqishme me Real Madridin por planifikon ta respektojë marrëveshjen me Bayern Munchen.

James Rodriguez nuk planifikon të rikthehet në Madrid, gjatë këtij afati kalimtar të verës.

Mesfushori kolumbian spekulohej se dëshiron të kthehet në Santiago Bernabeu, një vit para skadimit të periudhës së huazimit dyvjeçar te kampioni i Bundesligës.

Por, babai i tij, Juan Carlos ka paralajmëruar se James ka lidhje të fuqishme me Real Madridin por planifikon ta respektojë marrëveshjen me Bayern Munchen.

“James dhe Lopetegui kanë biseduar 15 ose 20 ditë më parë kur James ishte në Botëror”, deklaroi Juan Carlos për “Cadena Ser”.

“James është i vendosur të respektojë kontratën edhe pse të gjithë e dinë se Real Madridin e ka në zemër dhe i pëlqen stili i lojës së Lopeteguit”, u shpreh ai.