Japonia mund Kolumbinë, që luajti 87 minuta me një lojtar me pak

Japonia shënoi fitore në ndeshjen e parë të grupit H të Kampionatit Botëror – “Rusia 2018”. Japonezët triumfuan me rezultat 2:1 kundër Kolumbisë, e cila mbeti me 1 lojtar më pak për 87 minuta.

Futbollisti Carlo Sanchez ndali topin me dorë brenda zonës, kurse gjyqtari Skomina e përjashtoi direkt me karton të kuq dhe referoi penallti për Japoninë. Futbollistët kolumbian protestuan, por Skomina nuk e ndërroi mendjen.

Futbollisti Shinji Kagawa ka qenë i saktë nga penalltia, 0:1. Në minutën e 15-të, Inui humbi një rast ideal për ta dyfishuar rezultatin.

Futbollisti Juan Quintero nga goditja e lirë rreth 18 metra dërgoi topin tokazi në pjesën e majtë të portës dhe portieri Kawashima nuk mundi ta ndalë, 1:1 në minutën e 39-të.

Japonezët patën një rast të mirë në minutën e 54-të, kur Osako nga afërsia por në pozitë mjaft të vështirë, goditi fortë por portieri kolumbian Ospina reagon edhe më mirë. Në minutën e 57-të, Inui nga rreth 14 metra gjuajti bukur megjithatë portieri Ospina me paradë shpëtoi gol të sigurt.

Në minutën e 73-të, Japonia siguroi fitoren. Yuya Osako me kokë nga afërsia godet bukur, topi në shtyllën pingule dhe futet në rrjetë, 1:2.

Në minutën e 78-të, James Rodriguez humbi një rast të pastër. Në vend të portës ai goditi në këmbë lojtarin rival dhe topi shkoi larg mbi portë. Kolumbia humbi në sfidën e parë, kurse për Japoninë janë tri pikë të mëdha në kuadër të grupit H. Me 24 qershor Japonia ndeshet me Senegalin (17.00) dhe Polonia me Kolumbinë (20.00).

Kolumbia-Japonia 1:2

Stadiumi “Mordovia Arena”, Mordovia.

Gjyqtar: D. Skomina (Sllovenia).

Shënues: Quintero (39’) – Kagawa (6’-nga penalltia), Osako (73’).

Kartonat e verdhë: Barrios, Rodriguez.

Kartoni i kuq: Sanchez (Kolumbia).

Kolumbia: Ospina, Murillo, Arias, Mojica, D. Sanchez, C. Sanchez, Cuadrado (Barrios 31’), Lerma, Quintero (Rodriguez 59’), Falcao dhe Izquierdo (Bacca 70’).

Japonia: Kawashima, Shoji, Nagatomo, Sakai, Yoshida, Shibasaki (Yamaguchi 80’), Haraguchi, Kagawa (Honda 70’), Inui, Hasebe dhe Osako (Okazaki 85’).