Japonia ndërpren vaksinimin me Moderna, ja çfarë zbuluan

Ministri i Shëndetësisë i Japonisë, Norihisa Tamura, deklaroi sot se një trup i huaj është zbuluar në vaksinat Moderna kundër COVID-19 në prefekturën jugore Okinawa që mendohet se është futur me rastin e futjes së gjilpërës në flakon.

Prefektura Okinawa ka bërë të ditur të dielën se pjesërisht e shtynë programin e vaksinimit me vaksinën Moderna pasi që janë zbuluar trupa të huaj në flakonë dhe shiringa. Ministria e Shëndetësisë më vonë është shprehur se gjilpërat ndoshta ishin futur gabimisht në flakonë, me ç’rast janë copëtuar pjesë së tapës nga goma. 

“Cilido që të jetë shkaku (për trupin e huaj), jemi informuar se nuk ka probleme sigurie ose ndonjë tjetër,” tha ministri i Shëndetësisë, Norihisa Tamura duke shtuar se nuk është e pazakonshme që materiale të huaja të futen në flakon me vaksina tjera.

“Do të vazhdojmë të mbledhim informacione dhe do t’ju informojmë,” tha ai para gazetarëve.

Japonia po përballet me valën më të madhe të infeksionit deri më tani që nga momenti kur shpërtheu pandemia, për shkak të variantit Delta shumë infektues.

Vaksinimi është vështirësuar për shkak të vonesave në importin e vaksinave dhe zbulimin e kontaminimit në disa doza të Modernas, që ka sjellë dhe ndërprerjen e përdorimit të tre serive të vaksinës Moderna javën e kaluar.

Ministri i ngarkuar për fushatën e vaksinimit, Taro Kono, tha sot se dëshiron të përshpejtoj furnizimin me vaksina nëpër komuna që ishin të detyruara ta ndërprejnë vaksinimin në mungesë të dozave.