Jashtë Kullës së Fluturave/ Realiteti, Studenti: Fëmijët nuk kanë më frikë nga gogoli por nga ju kryeministër…

Ndonëse i futi në sitën e Rilindjes, Kryeministri Edi Rama gjatë takimit me studentët sot në Vlorë u përballë me një realitet të panjohur për Kullën e Fluturave dhe rrjeteve sociale.

Kishte edhe akuza nga më të ndryshmet që nuk e skuqën dhe nuk i ndryshuan çehren kryeministrit edhe për të thënë se pronën në Surrel e ka nga puna në emigracion, por një student i bëri përcaktimin më të saktë të identitetit të kryeministrit, për të cilin përkufizim Edi Rama u përgjigj vetëm me fyerje

Studenti: Jeni mashtruesi më i madh, kur ju bëtë takimin me Lulin te çadra dhe arritët ti mbyllnin gojën Lulzim Bashës ca mund të bëni ne me. Ju thoni eja bëjmë dialog, shuani protestën dhe pastaj të bëhet ca të bëhet, si bëhet gjithmonë në Shqipëri, ne jemi studentë nuk jemi dele, i kuptojmë gjërat si janë.

Fëmijët nuk kanë më frikë nga gogoli, kanë nga ju, dëgjojnë prindërit që obobo Rama na rriti taksat na bëri këtë, kanë frikë, keni bërë ca keni bërë me popullin, me ne qëndroni korrekt
Jam i lumtur nëse nuk pushkatohem, kjo është një shfaqje e ndyrë, shuani protestën e të shohim.

Rama: Pika e parë rrugaçëria nuk është trimëri, të çohesh dhe ta fyesh tjetrin, ti merr fjalën dhe thua ti je mashtruesi më i madh këtë e kam dëgjuar unë nga ata që dëgjon ti dhe më duken për të ardhur keq e më vjen shumë keq për ata që i votojnë, unë vetë mund të jem ironik, sarkastik, por kurrë s’ke dëgjuar e do dëgjosh nga unë nga këto akuza rrugaçërore, miqësisht të them hiqi këto për veten tënde.

As mos ki asnjë merak se ti për mua rron 1 mijë vjet, unë ta kam merakun ty për veten tënde, ti e quan popullin dele, ti thua ne nuk jemi dele. Ke fyer të gjithë ata që mendojnë ndryshe si ty, e pse, se mendojnë ndryshe, ti kush je që u thua ashtu? Cca je ti që nuk respekton minimumin jetik, fole të dëgjova, tani më lër të flas unë. Ti akuzon si ata që të kanë hedhur ty trutë e gomarit, e drejta jote, unë kam të drejtë të jap përgjigje.

Sa për protestën as nuk më intereson të mbyllet, ka raste plotë, të fusin ujin me presion që mos të kesh çfarë të bësh, ndodh në Francë kjo, në qeveri demokratike, kur kërkojnë qiqra në hell. As po them ndaloni protestën, asgjëkundi. Ccfare i bëra Bashës, unë atij iu luta, ai thoshte do rri në çadër, unë i dhashë mundësi të bëhej lider.

Ti që e bën popullin dele, ti nuk je ujk, por je një lepur, je si ai miu që ishte tapë dhe thoshte ‘ku është maçoku se do ta shqyer, pse nuk po më del perpara’. Nuk po ta them si mbaron, se unë nuk jam maçoku e ti nuk je miu, por a je i dehur nga protesta, a ngaqë nuk shkon në mësim, nuk e di, por të them që pikat do të plotësohen, me ty, pa ty, por sepse ato janë të drejta.

Luli donte të fitonte jo të zgjidhte problemet, këtë nuk ia garantoj dot, por ti do fitosh do fitoj edhe unë.

Numri im është 0682030272, në këtë numër herët ose vonë ti do më çosh sms dhe do më thuash të pres për kafe në Vlorë dhe pagesën e kafes do e bësh nga lekët që do të japë qeveria për bursën…