Java Evropës/ Përgjigjet Gent Cakaj, të panjohura i ka kompetencat e Këshillit Europian!
Në nisje të Javës së Evropës, Zv/ministri i Jashtëm, Gent Cakaj, edhe pse u promovua nga kryemnistri Edi Rama dhe këshilltari i tij Baton Haxhiu si “koka e kombit”, në pyetjen e gazetarit Lutfi Dervishi, ai përveç se nuk dha përgjigje nuk tha asgjë që do ti shërbente informimit, sqarimit e aq më pak integrimit.
Lutfi Dervishi duke ju drejtuar Cakajt tha se Këshilli Evropian vendosi si kusht përmbushjen e disa detyrave për hapjen e negociatave në qershor, por asnjëra prej tyre nuk është përmbushur.
“Po citoj konkluzionet e Këshillit, i cili vitin e kaluar në qershor, ishte dakord që Shqipërisë ti hapeshin negociatat në qershorin e këtij viti me kusht që bënin disa detyra. Por nga konkluzionet e Këshillit nuk më rezulton asnjë detyrë e përmbushur. Përfundimi i strukturave të reja në fushën e drejtësisë, forcimi i trek rekordit për investigimet për hetimet për çështjet gjyqësore dhe luftën kundër korrupsionit e krimit të organizuar përfshirë nivele të larta. Këshillimi kërkon përfundimin e reformës zgjedhore sipas rekomandimit të OSBE-ODHIR. Pra nga gjërat specifike nuk është realizuar asgjë. Çfarë ju bën optimist të thoni se ne i kemi bërë detyrat?”
Por Cakaj përveç se u mundua të bindë Dervishin dhe opinionin e gjërë se e ka kuptuar pyetjen, ai nuk tha asgjë madje tregoi edhe mungesë në njohjen elementare të diplomacisë dhe integrimit evropian:
“E kuptoj pyetjen tuaj, edhe pse leximi duhet të jetë më i saktë dhe vlerësimi juaj politik duhet të jetë i tjetër lloj. Por mua nuk më takon të bëj replikë me një si ju këtu. Nëse keni nevojë për diçka është kursimi i prej opinioneve subjektive dhe nëse detyrat tona janë përmbushur këto do ta thotë arbitri final më i lartë dhe objektiv për çështjen në fjalë që është Komisioni Evropian. Në rast se Komisioni Evropian konstaton të kundërtën e asaj që po thoni ju atëherë ne po mbesim shpresëplotë që hapja e negociatave do të bëhet realitet bazuar në meritat që ka arritur Shqipëria në këtë proces,” tha Zv/Ministri Gent Cakaj të cilin Edi Rama e ka pagëzuar “ministër në detyrë” por që për fat të keq nuk e bënë as njërën dhe as tjetrën, madje siç shihet nuk e dallon fare Këshillin Evropian për të cilin flet Dervishi nga Komisioni Evropian.
Ndoshta nuk është vonë që njeri edhe ti mësoj institucionet evropaine meqë ka kohë që Shqipëria të hap negociatat por dikush duhet ti thotë këtij injoranti se Komisioni Europain rekomandon, ashtu siç bëri më 2016, 2017 dhe 2018 por është Këshilli Evropian ai që vendos për çeljen ose jo të negociatave. Dhe ishte po ky Këshill që i tha tri herë jo rekomandimit të KE.
