Jep dorëheqjen Drejtori i Përgjithshëm i RTSH, Alfred Peza

Drejtori i Përgjithshëm i Radio Televizionit Publik Shqiptar, RTSH, Alfred Peza, sot ka dhënë dorëheqjen.

“Në zbatim të ligjit nr.97, datë 04.03.2013 “Për mediat audovizive në Republikën e Shqipërisë” dhe vendimit të Kuvendit të Republikës së Shqipërisë nr.98 datë 22.12.2016 “Për miratimin e statutit të RTSH”; ju paraqes dorëheqjen, në mënyrë të parevokueshme, nga pozicioni i Drejtorit të Përgjithshëm të RTSH,” thuhet në tekstin e dorëheqjes së Alfred Pezës dorëzuar Kryetarit të Këshillit Drejtues të RTSH.

Ndryshe, ish-deputeti i Partisë Socialiste, Alfred Peza, është zgjedhur si Drejtor i Përgjithshëm i Radio Televizionit Shqiptar, RTSH, më 13 qershor të vitit 2023.