Jetesa me 4.19 $/frymë, Basha: Koha për një qeveri që kujdeset për shqiptarët dhe jo Edi Ramën!

Kryeministri Edi Rama dhe ministrat e tij shumëfishojnë pasuritë e tyre, e Shqipëria varfërohet, thekson Kryetari i Partisë Demokratike, Lulzim Basha, duke reaguar për situatën e krijuar ndërsa konstaton se papunësia është shtuar, kosto e jetesës është bërë e papërballueshme.

“Ka ardhur koha për një qeveri që kujdeset për njerëzit,” shprehet Lulzim Basha në reagimin e tij përmes rrjetit social Facebook ndërsa e shoqëron me një grafik argumentin se 40 për qind e shqiptarëve jetojnë me më pak se 4.19 $ duke përfunduar:

“Ka ardhur koha për një qeveri që kujdeset për xhepat e shqiptarëve dhe jo të Ramës dhe ministrave të tij.”

Ja statusi i plotë:

Ndërsa Rama dhe ministrat e tij shumëfishojnë pasuritë e tyre, Shqipëria varfërohet. Papunësia është shtuar, kosto e jetesës është bërë e papërballueshme.

Ka ardhur koha për një qeveri që kujdeset për njerëzit.

Ka ardhur koha për një qeveri që kujdeset për xhepat e shqiptarëve dhe jo të Ramës dhe ministrave të tij.