“Jo ligjshmërisë”/ Shpallet rezultati i 30 Qershorit, Zguri: KQZ gjodhi arbitraritetin!
Votimi i rezultatit përfundimtar të zgjedhjeve të Qershorit nga Komisioni Qendror i Zgjedhjeve, KQZ nuk tradhëtoi proceset e votimit gjatë procesit zgjedhor që nga shpallja e dekretit të parë të Presidentit të Republikës duke u vulosur kështu si institucioni më kriminal në Shqipëri ku e para është Partia tani Ligji.
Kryetari i KQZ, Klement Zguri, para votimit të 4 anëtarëve socialist për shpalljen e fituesëve të 61 bashkive dhe numrin e votave të fituara nga secili subjekt në shkallë kombëtare, arsyetoi votën e tij kundër dhe e bëri të qartë se Komisioni Qendror i Zgjedhjeve ishte ndërmjet ligjshmërisë dhe arbitraritetit, dhe për fat të keq KQZ zgjodhi të dytën, dhe anëtarët e KQZ-së zgjodhën anshmërinë politike.
“Zgjedhjet nuk janë vetëm një moment ligjor por edhe ngjarje politike. Nuk mund t’i ndajmë. Kjo iu jep një peshë më të madhe. Brenda zgjedhjeve përfshihen interesa të ndryshme. Është një formalitet pasi vendimi i sotëm është shoqëruar paraprakisht me një sërë aktesh të tjera që janë përfundimtare dhe të formës së prerë. Këto zgjedhje janë shoqëruar nga një konflikt i madh politik.”
Mosmarrëveshjet tha Zguri do të vazhdojnë edhe pasi ta zyrtarizojmë rezultatin:
“Përmes votës sonë, merr një rëndësi tjetër. Vota nuk kthehet thjesht formale. Konflikti nuk është preokupimi jonë, preokupimi im është se përmes votës sonë kemi dhënë edhe një notë për sjelljen e KQZ. Besoj se KQZ ka qenë ndërmjet ligjshmërisë dhe arbitraritetit, për fat të keq në logjikën time KQZ ka zgjedhur të dytën, anëtarët e KQZ-së zgjodhën anshmërinë politike.”
Në fund, Kryetari i KQZ, Klement Zguri, tha se për shkak të një performance të dobët të Komisionit Qendror të Zgjedhjeve, ndonjëherë dhe mungesës së dinjitetit të saj, e ka të pamundur ta japë një notë kaluese:
“Me keqardhje them, e kam të pamundur për shkak të një performance të dobët të KQZ por ndonjëherë dhe mungesës së dinjitetit të saj për mua është e pamundur të japë një notë kaluese. Do votoj kundër. Dua që e gjithë kjo performancë të mos kthehet në standard pune në të ardhmen. Më duhet të them, unë nuk bija dakord me shumicën, me kolegët e mi. Shpresoj shumë që kolegët e mi t’i thërrasin vetëdijes ligjore dhe të reflektojnë.”
