Jo vetëm Bozo, Rama në Lezhë si në vitin 1945: Marku dhe Gjekmarkaj reaksionarë!
Shumë shqiptarë me të drejtë u tronditën nga deklarata e kryesueses së listës së PS në Tiranë në zgjedhjet e 25 Prillit, Prof.Dr.Luljeta Bozo kur u shpreh se diktatori Enver Hoxha kishte shumë gjëra më pozitive se sa negative, por shefi i kësaj adhuruese të krimit komunist, Kryeministri Edi Rama, sot për fat të keq konfirmon se partia që ai drejton dhe ku kandidon Bozo është po ajo parti kriminale që ka përndjekur, internuar dhe vrarë gjithë elitën e Lezhës, Mirditës dhe jo vetëm, dhe sot pedagogët ashtu si paraardhësit e tyre i konsiderojnë reaksionarë e bazuar në skenarin në këtë megjlis komunist mungonin vetëm Mehmet Shehu dhe Enver Hoxha.
‘’Skuadër jo përfaqësuese, me dy personazhe groteskë, që i njeh gjithë populli shqiptar pëmes salloneve, klubeve të natës mediatike. Dy personazhe ekstremistë, në çdo aspekt të retorikës së tyre, të menduarit. Dy reaksionarë që e kanë kundërshtuar Reformën në Arsim duke qenë pedagogë. Kanë mbajtur ndezur flakadanin e tifozllëkut. S’kanë asnjë lidhje me Lezhën përvec origjinës. S’kanë çfarë i sjellin përveç emrin e tyre në parlament,” tha Edi Rama duke folur për kandidatët e PD për deputetë, Mark Marku dhe Agron Gjekmarkaj, dhe në mungesë të një programi konkret qeverisës nuk munguan akuzat:
“Pastaj skuadra tjetër është qamet më vete. Tek skuadra e Monikës, duhet kuptuar se PD është alternativë sado e lodhur, e vjetëruar dhe e marrë peng, në këtë moment të historisë, prap mbetet parti politike që është aty. ‘
Kryeministri Edi Rama nuk ndaloi tek Marku dhe Gjekmarkaj dhe meqë nuk kishte ndonjë ofertë për këtë që e shkatërroi vetëm PPSH dhe pasardhësja PSSH që kryesohet nga Rama, sulmoi Presidentin Ilir Meta.
”Në këtë, skuadra e Monikës është problemi i madh i vendit tonë, problemi i madh i jetës sonë politike. I vetë politikës shqiptare. Këto zgjedhje mes të ardhmes dhe të shkuarës. Mes taksës progresive, dhe të sheshtë që është armiku real. Zgjedhje mes rilindjes urbane që duhet të vazhdojë, dhe edhe më thellë në zonat rurale. Dhe anti-qytetarisë planifikim. Është zgjedhje mes shëndetësisë që duam, dhe kështu me radhë.
Troç fare, thjesht fare. Është zgjedhje mes drejtësisë së re dhe Ilir Metës. Kush zgjedh sidomos LSI-në, sidomos LSI-në zgjedh Metës dhe jo drejtësinë.
Duke qenë se Ilir Meta është gati të japë dorëheqjen pas 25 prillit, ky është rasti për të gjithë ata që duan të çlirojnë nga barra gjithmonë e më e rëndë e imazhit që krijon ky njeri që ka marrë peng Presidencën dhe ka marrë peng Kushtetutën duke e shpërfytyruar rolin e kryetarit të shtetit. Të bëjnë zgjedhjen. Basha s’është rrezik për demokracinë. Nuk është problemi i këtij vendi. Është kukull në duart e Saliut dhe Metës, që e kanë rrethuar me një tabor krushqish, të uritur. Një kukull që nuk argëton askënd. Përkundrazi nuk i duhet askujt. Besoj se është koha për të bërë një zgjedhje për familjen, qytetin, për fshatin, për vendin e punës, në sensin që secilin, për të rritur pagat, pagën minimale. Për të ulur tatimin mbi fitimin, si forcë e kualifikuar në ndërmarrjet e këtij vendi. Në organizmat ekonomikë të këtij vendi,” tha Rama duke e konsideruar fakt të kryer faktin se nuk kanë alternativë qeverisëse:
“Për të fuqizuar mjekët dhe infermierët, mësuesit e policët. Për të shkuar përtej ndasisë politike pasi nuk kemi alternativë qeverisëse, përveç PS. Nuk mundet dot ta hedhim poshtë këtë punë të mundimshme, duke i lënë shteg mbijetese në pushtet Ilir Metës. Kjo është më e thjeshta.”
Në fund, lideri socialist u tha një të vërtetë lezhjanëve se është aty për punë të vështira, pasi sipas tij, nuk mund t’i bëjë askush tjetër këto punë, fakt të cilën ata e konfirmojnë ndër breza pasi të gjitha të këqijat kësaj zone i kanë ardhur nga partia e Edi Ramës që nga viti 1945 e deri më sot:
“Dua të siguroj të gjithë ata që na ndjekin të këtij qarku, kurbinas, dhe jashtë, që të kenë shumë besim se më të keqen e kemi lënë pas dhe më të mirën e kemi të gjithë përpara për Lezhën dhe për gjithë Shqipërinë. Vizioni ynë i 2030 është që Shqipëria të bëhet e ardhmja jonë. Ne jemi këtu për punë të vështira. Punët e vështira nuk i bën dot askush tjetër, aq më tepër ata të cilët sa herë kanë pasur mundësi të punojnë për Shqipërinë, kanë punuar vetëm për vete, dhe vendin e kanë lënë në batakun, ku kanë qenë socialistët që e kanë nxjerrë,” tha Edi Rama duke përfunduar:
Kushtet hë për hë të pandemisë dhe rregullat që kemi vendosur duhet t’i respektojmë, ndaj na pamundësojnë në këtë fazë të kemi një komunikim më të gjerë, prandaj na mbetet të shfrytëzojmë këtë formë komunikimi. Shumë shpejt do të jemi përsëri së bashku, sepse ashtu sikundër ne bëmë atë që askush nuk e besonte, shërimin e plagëve të tmerrshme të atij tërmeti që vazhdon përditë e përditë, deri në pranverën e vitit të ardhshëm, ashtu do të bëjmë të mundur edhe daljen nga armiku i padukshëm, edhe pse mbetën pak pas. Ne po e hapim përditë e më shumë rrugën për të sjellë sa më shumë vaksina, dhe patjetër që do ja dalim.”
