JO VETËM KARIKATURA/ Danimarkë: Ministrja, për muajin Ramazan: I rrezikshëm për shoqërinë!
Në Danimarkë nuk ka vetëm karikatura që fyejnë muslimanët. Fyerja vjen edhe nga qeveria përkatësisht nga Ministrja e emigracionit dhe integrimit e Danimarkës, e cila i ka bërë thirrje muslimanëve që të marrin pushim gjatë kohës së muajit Ramazan. Dhe, arsyeja e thirrjes është çemenduri: Mund të jeni të rrezikshëm për shoqëri!
“I bëjë thirrje muslimanëve që të marrin pushim nga puna gjatë muajit Ramazan, në mënyrë që të anashkalohen pasojat e dëmshme për pjesën tjetër të popullsisë daneze,” thekson Inger Stojberg në komentin për revistën BT.
Stojberg tha se pyet veten “se a është rrespektim i islamit të vjetër 1400 vjet në përputhje me tregun e punës në vitin 2018 në Danimarkë,” shkruan AFP.
Gjithashtu ajo shpreh frikën se agjërimi gjatë muajit Ramazan mund të kërcënoj sigurinë dhe efiçencën e qytetarëve, dhe si shembull mori shoferët e autobusëve që nuk pijnë dhe nuk ushqehen për më shumë se 10 orë në ditë: “Kjo mund të jetë e rrezikshme për gjithë shoqërinë.”
Stojberg vazhdon të jetë në qendër të kritikave për ligjet e rrepta të emigracionit në vitin 2016, kur policia mori kompetenca për konfiskimin e pasurisë së refugjatëve.
