Jo vetëm Unaza e Re/ Shkoza në protestë: Do ta mbroj pronën time me gjak!

Përveç Unazës së Re është në Shkozë shumë shtëpi preken nga ndërtim i Unazës së Madhe.

Sot banorët e Shkozës kanë dalë në protestë duke kundërshtuar prishjen e banesave nga IKMT,  ndërkohë njëri prej banorëve tregoi se ata janë njoftuar vetëm që banesat nuk legalizohen, por nuk u ka ardhur asnjë letër që tu tregojë se ato do prishen.

“Jemi 20 veta në shtëpi, tre kurora. Një vëlla më ka vdekur dhe janë tre jetime në shtëpi. Më ka ardhur zarfi para 25 ditësh, vetëm thuhet që jemi përjashtuar nga legalizimi. Duhet të vijë legalizimi dhe të sjell zarfin zyrtar, që shtëpia ime do prishet që ne të jemi me dokumente të shkojmë në gjykatë të ankohemi, të kemi dhe në të drejtë ankimi,” tha Petrit Duke për News 24 ndërsa kishte edhe një mesazh për kryeministrin Edi Rama:

“Ky projekt është bërë qëllimisht që të prishen shtëpitë, Lana ka qenë shumë larg prej këtej dhe ata e kanë devijuar projektin. I them kryeministri që të vej dorën ne zemër, se ai ka kalamaj vet. Unë do ta mbrojë pjesën time me gjak!”