Johannes Hahn viziton Kosovën

Komisioneri për Zgjerim pranë Bashkimit Evropian, Johannes Hahn do të qëndrojë sot në Kosovë ku pritet të zhvillojë një takim me kryeministrinë e Kosovës, Ramush Haradinaj.

Johannes Hahn do të qëndrojë në Kosovë në kohën kur Qeveria e Kosovës nuk është tërhequr nga vendimi për taksën prej 100 për qind për produktet e importuara nga Serbia dhe Bosnje e Hercegovina.

Vendosja e kësaj takse doganore ka ngritur reagime të ashpra nga mekanizmat ndërkombëtarë.

Ndërkohë, Serbia, e cila para vendosjes së kësaj takse, eksportonte mallra në Kosovë në vlerë mbi 1 milion euro në ditë, ka kërkuar heqjen e taksës si kusht për vazhdimin e dialogut ndërmjet dy shteteve.