Johnson: Kriza e koronavirusit përfundon nga mesi i 2021-ës

Kryeministri Boris Johnson tha se Britania e Madhe do të kalojë krizën e koronavirusit nga mesi i vitit 2021, por frika e tij ishte se do të kishte një goditje të dytë të pandemisë.

Të gjithë duhet të marrin vaksinën kundër gripit sezonal, tha ai, për të parandaluar mbingarkimin e shërbimeve shëndetësore gjatë dimrit.

Mbretëria e Bashkuar, raporton RFE, ka fuqizuar masat kundër përhapjes së koronavirusit duke e bërë të detyrueshme mbajtjen e maskës brenda dyqaneve, qendrave tregtare të mbyllura, në banka dhe institucione tjera.

Policia mund të ndajë gjoba deri në 100 funta për ata që nuk respektojnë masën.

Sipas Universitetit Johns Hopkins, në Mbretërinë e Bashkuar janë regjistruar gjithsej 298,731 raste me koronavirus, prej të cilëve 45,639 kanë vdekur.