Jorida Tabaku: Kështu i gënjen Rama shqiptarët, bizneset, të punësuarit!

I gënjeu bizneset! U premtoi 0 taksa por u ka faturuar taksën e fiskalizimit, shprehet sot deputetja e Partisë Demokratike, pasi takoi sot bizneset në një nga zonat e saj elektorale, Degën 2 Tiranë, ku u informua mbi kërkesën e radhës të qeverisë me emrin, taksa e fiskalizimit.

“Si në çdo palë zgjedhje, premtojnë diçka që nuk do ta mbajnë. Gënjejnë ditën për diell për t’u hedhur hì syve të shqiptarëve dhe për t’i zhytyr edhe më shumë në varfëri. Një taksë që është në fakt një koncesion që buxhetit i ka kushtuar 16 mln euro dhe që sot do t’i kushtojë 1000-2000 euro në vit çdo biznesi për t’u implementuar,” shprehet Jorida Tabaku duke shtuar:

“Kështu i gënjen Rama shqiptarët, bizneset, të punësuarit!”

E shoqëruar nga Kryetarja e Partisë Demokratike Dega 2 Tiranë, Mirlinda Çollaku, Drejtuesja Politike, Jorida Tabaku, tha se kjo do të jetë një kosto më shumë për biznesin, një rrogë më pak në shtëpitë tuaja dhe një çmim më i kripur për shërbimet apo produktet që qytetarët marrin. ndërsa përfundoi:

“Ne, jemi ndryshe! Nuk gënjejnë në premtime! Nuk shfaqemi vetëm për fushatë pasi besojmë tek demokracia dhe tek fryma sipërmarrjes. Do të jemi çdo ditë jo vetëm për të denoncuar por për të dëgjuar! Qytetarët janë burimi frymëzimit tonë!”